ඊශ්රායල අග්රාමාත්ය බෙන්ජමින් නෙතන්යාහු අද විශේෂ ප්රකාශයක් කරමින් කියා සිටියේ, හැකි ඉක්මනින් ලෙබනනය සමඟ සෘජු සාකච්ඡා ආරම්භ කිරීමට සිය රජය සූදානම් බවයි. මෙම සාකච්ඡාවල මූලික සහ ප්රධානතම අරමුණ වන්නේ දකුණු ලෙබනනයේ ක්රියාත්මක හිස්බුල්ලා සංවිධානය නිරායුධ කිරීම සහ දෙරට අතර ස්ථාවර, සාමකාමී සබඳතාවක් ගොඩනැගීම බව ඔහු අවධාරණය කළේය.
ඊශ්රායල ගුවන් හමුදාව විසින් විනාඩි කිහිපයක් තුළ ලෙබනනයේ හිස්බුල්ලා ඉලක්ක 100කට අධික සංඛ්යාවකට ප්රහාර එල්ල කිරීමෙන් අනතුරුව නෙතන්යාහු මෙම ප්රකාශය සිදු කිරීම විශේෂත්වයකි. ඉරාන නියෝජ්ය විදේශ අමාත්යවරයා අමෙරිකාවට අවසන් නිවේදනයක් නිකුත් කර ඇති පසුබිමක සහ මියා කලීෆා වැනි ක්රියාකාරිනියන් ලෙබනනයේ විනාශය ගැන හඬ නගන මොහොතක, ඊශ්රායලය සාකච්ඡා සඳහා යොමු වීම කලාපීය දේශපාලනයේ නව හැරවුමක් ලෙස සැලකේ.
කෙසේ වෙතත්, හිස්බුල්ලා සංවිධානය නිරායුධ කිරීම වැනි දැඩි කොන්දේසියකට ලෙබනනය හෝ ඉරානය එකඟ වනු ඇත්ද යන්න පිළිබඳව දේශපාලන විචාරකයෝ සැක පළ කරති. හෝමුස් සමුද්ර සන්ධිය වසා දැමීම සහ සටන් විරාමය පිළිබඳ පවතින මතභේද හමුවේ, නෙතන්යාහුගේ මෙම “සාමකාමී ප්රයත්නය” සැබෑ විසඳුමක් ද නැතහොත් යුද උපාය මාර්ගයක් ද යන්න ඉදිරි දින කිහිපය තුළ පැහැදිලි වනු ඇත.
තොරතුරු උපුටා ගැනීම: AmichaiStein1 සහ mario nawfal(x) ඇසුරින්
