ඊශ්රායල හමුදාව විසින් ඉරානයට එරෙහිව දියත් කර ඇති යුද මෙහෙයුම් අවම වශයෙන් තවත් සති තුනක කාලයක්වත් අඛණ්ඩව පවත්වාගෙන යාමට සැලසුම් කර ඇති බව ඊශ්රායල ආරක්ෂක බලකායේ (IDF) ප්රකාශකයෙකු වන බ්රිගේඩියර් ජෙනරාල් එෆී ඩෙෆ්රින් (Effie Defrin) පවසයි. CNN පුවත් සේවය සමඟ අදහස් දක්වමින් ඔහු සඳහන් කළේ, තමන් සතුව තවමත් ප්රහාර එල්ල කිරීමට බලාපොරොත්තු වන ඉලක්ක දහස් ගණනක් පවතින බවත්, අමෙරිකානු මිත්ර පාර්ශවයන්ගේ ද සහය ඇතිව මෙම මෙහෙයුම් ඉදිරියට ගෙන යන බවත්ය.
ඊශ්රායල හමුදාවට අනුව, එළඹෙන අප්රේල් මාසයේ යෙදෙන යුදෙව්වන්ගේ පාස්කු උත්සවය (Passover) දක්වා මෙම මෙහෙයුම් සැලසුම් කර ඇති අතර, අවශ්ය වුවහොත් ඉන් පසුවත් යුද්ධය දිගටම කරගෙන යාමට සූදානම් බව ඩෙෆ්රින් ප්රකාශ කළේය. පසුගිය පෙබරවාරි 28 වැනිදා මෙහෙයුම් ආරම්භ කළ දින සිට මේ දක්වා ඊශ්රායල ගුවන් හමුදාව විසින් බටහිර සහ මධ්යම ඉරානය ඉලක්ක කර ගනිමින් ගුවන් ප්රහාර මාලාවන් 400ක් පමණ එල්ල කර ඇති බව ද සඳහන් වේ. මෙම ප්රහාර මගින් ඉරානයේ ආරක්ෂක මධ්යස්ථාන සහ නිෂ්පාදන ඒකක රැසක් විනාශ කිරීමට ඊශ්රායලය පියවර ගෙන තිබේ.
