පසුගිය සතියේ ලෙබනනය සහ ඊශ්රායලය අතර යළිත් ආරම්භ වූ සන්නද්ධ ගැටුම්වලින් ප්රථම වතාවට සිය හමුදා සෙබළුන් දෙදෙනෙකු ජීවිතක්ෂයට පත්ව ඇති බව ඊශ්රායල ආරක්ෂක අංශ තහවුරු කරයි. දකුණු ලෙබනන් දේශසීමා ආසන්නයේ පැවති දරුණු සටන්වලදී මෙම සෙබළුන් මියගොස් ඇති අතර, මෙය දේශසීමා ආක්රමණයෙන් පසු ඊශ්රායල හමුදාවට සිදුවූ පළමු ජීවිත හානිය ලෙස වාර්තා වේ.
හැබුල්ලා සංවිධානය නිරායුධ කිරීම සිය මූලික අරමුණ බව පවසන ඊශ්රායලය, මේ වන විට දකුණු ලෙබනනයේ දේශසීමාවෙන් කිලෝමීටර් 27ක් පමණ ඇතුළත ප්රදේශ සඳහා ඉවත් වීමේ නියෝග නිකුත් කර තිබේ. ඊශ්රායල ටැංකි සහ සන්නද්ධ රථ දේශසීමාව අසල ස්ථානගත කර ඇති අතර, ගොඩබිම් මෙහෙයුම් තවදුරටත් පුළුල් කරමින් පවතී.
මේ අතර, ලෙබනන සෞඛ්ය අමාත්යාංශය ප්රකාශ කර ඇත්තේ පසුගිය සතිය පුරා ඊශ්රායලය එල්ල කළ ගුවන් ප්රහාර හේතුවෙන් මේ වන විට පුද්ගලයින් 394 දෙනෙකු ජීවිතක්ෂයට පත්ව ඇති බවයි. මියගිය පිරිස අතර සිවිල් වැසියන් සහ සහන සේවකයින් ද සිටින බව වාර්තා වන අතර, කලාපයේ පවතින යුදමය වාතාවරණය හේතුවෙන් ලෙබනනයේ සාමාන්ය ජන ජීවිතය සම්පූර්ණයෙන්ම අඩාල වී තිබේ.
