ඉරාන ඉස්ලාමීය ජනරජය විසින් ඊශ්රායලය විනාශ කර එය ලෝක සිතියමෙන් ඉවත් කිරීමට සැලසුම් සහගතව කටයුතු කරමින් සිටින බවට ඊශ්රායල ජනාධිපති අයිසැක් හර්සොග් (Isaac Herzog) බරපතල චෝදනාවක් එල්ල කර තිබේ. විදේශීය මාධ්ය සමඟ අදහස් දක්වමින් ඔහු පවසා ඇත්තේ මේ වන විට ඉරානය ලොව සෑම දෙසකින්ම ඊශ්රායලයට ප්රහාර එල්ල කිරීමට උත්සාහ කරමින් සිටින බවයි.
ඉරානය විසින් ඊශ්රායලයේ පැවැත්මට එල්ල කර ඇති තර්ජනය අතිවිශාල බවත්, ඊශ්රායලය අතුගා දැමීමට ඔවුන් දරන උත්සාහය සම්බන්ධයෙන් “විශාල සාක්ෂි ප්රමාණයක්” තමන් සතුව පවතින බවත් ඔහු අවධාරණය කළේය. ඉරාන හිතවාදී සන්නද්ධ කණ්ඩායම් (Proxy groups) හරහා කලාපය පුරා දියත් කර ඇති ප්රහාර මාලාව මෙයට හොඳම උදාහරණය බව ඔහු පෙන්වා දෙයි.
ඉරානය සෘජුවම මෙන්ම වක්රව ද සියලු පෙරමුණු ඔස්සේ ඊශ්රායලය ඉලක්ක කරන බැවින්, තම රටේ ආරක්ෂාව වෙනුවෙන් ගත හැකි උපරිම ක්රියාමාර්ග ගන්නා බව ඔහු වැඩිදුරටත් පැවසීය. මැදපෙරදිග කලාපයේ ස්ථාවරත්වය බිඳ දැමීමට ඉරානය කටයුතු කරන බව ජනාධිපති හර්සොග්ගේ ස්ථාවරයයි.
