ඉතාලි ජාතික කාන්තා ක්රිකට් කණ්ඩායමේ ප්රධාන පුහුණුකරු ලෙස කටයුතු කරන 57 හැවිරිදි ශ්රී ලාංකිකයෙකු වන ප්රභාත් එක්නැලිගොඩට එරෙහිව රෝම නීති බලධාරීන් පුළුල් පරීක්ෂණයක් ආරම්භ කර තිබේ. ඉතාලි ක්රිකට් සම්මේලනයේ සභාපතිනියගේ සහකරු ලෙස ද හඳුනාගෙන ඇති ඔහු, ජාතික කණ්ඩායමේ ස්ථානයක් ලබා දීම වෙනුවෙන් ක්රීඩිකාවන්ගෙන් ලිංගික අල්ලස් ඉල්ලා ඇති බවටත්, තමන්ට අවනත නොවන ක්රීඩිකාවන් කණ්ඩායමෙන් ඉවත් කර ඇති බවටත් චෝදනා එල්ල වී ඇත. රෝමයේ පුවත්පත් වාර්තා කරන අන්දමට, මොහු ක්රීඩාංගණයේ පිහිටි කන්ටේනරයක් තුළදී බාලවයස්කාර ක්රීඩිකාවන් කිහිප දෙනෙකුට ද ලිංගික අතවර කර ඇති බවට බරපතල තොරතුරු හෙළි වී තිබේ.
තම ක්රීඩා දිවිය විනාශ කරනු ඇතැයි යන බිය නිසා බොහෝ ක්රීඩිකාවන් මෙතෙක් නිහඬව සිට ඇති අතර, එක් ක්රීඩිකාවකගේ ධෛර්ය සම්පන්න ඉදිරිපත් වීමත් සමඟ මෙම අමානුෂික ක්රියාවන් රැසක් අනාවරණය වී ඇත. ආබාධවලට ප්රතිකාර කිරීමේ මුවාවෙන් සිදුවූ මෙම අපයෝජනයන් සම්බන්ධයෙන් රෝම පොලිසිය මේ වන විට සාක්ෂි රැස් කරමින් පවතී.
