වාර්ෂිකව පැවැත්වෙන ජාතික අලුත් සහල් මංගල්යය 59 වන වතාවටත් ජනාධිපති අනුර කුමාර දිසානායක මහතාගේ ප්රධානත්වයෙන් අද (09) අනුරාධපුර ජය ශ්රී මහා බෝධීන් වහන්සේ අභියසදී පැවැත්විණි. ගොවි ජනතාව සිය අස්වැන්නේ මංගල කොටස බුද්ධ පූජාව ලෙස පූජා කරමින් සොබාදහමට සහ තුනුරුවනට කෘතවේදීත්වය පළ කිරීම මෙහිදී සිදු විය.
මෙහිදී අදහස් දැක්වූ කෘෂිකර්ම අමාත්ය කේ.ඩී. ලාල්කාන්ත මහතා සඳහන් කළේ ‘දිට්වා’ සුළිකුණාටුව සහ වනසත්ව හානි වැනි අභියෝග මධ්යයේ වුවද මෙවර යල කන්නයේ සාර්ථක අස්වැන්නක් ලබා ගැනීමට හැකි වූ බවයි. පවතින ගෝලීය ඉන්ධන අර්බුදය හමුවේ වුවද අස්වැන්න නෙළීම සහ බිම් සැකසීම සඳහා ගොවීන්ට අවශ්ය ඉන්ධන සහනාධාර ලබා දීමට රජය පියවර ගෙන ඇති බව ද ඔහු පැවසීය.
මෙම අවස්ථාවට අමාත්ය වසන්ත සමරසිංහ, නියෝජ්ය අමාත්ය නාමල් කරුණාරත්න ඇතුළු මැති ඇමතිවරුන් සහ රාජ්ය නිලධාරීන් රැසක් සහභාගී වූහ.
