ඉතාලියේ ජැනික් සින්නර්, ඩැනියෙල් මෙඩ්වඩෙව් පරාජය කරමින් සිය ප්රථම ඉන්දියන් වෙල්ස් ශූරතාව දිනා ගැනීමට සමත් වූ අතර, ඒ සමඟින් ඔහු ටෙනිස් ලොව අතිශය දුර්ලභ වාර්තාවක් ද තමන් සතු කර ගත්තේය. මෙඩ්වඩෙව්ට එරෙහිව පැවති තීරණාත්මක අවසන් මහා තරඟය 7-6, 7-6 ක් ලෙස ජයග්රහණය කළ 24 හැවිරිදි සින්නර්, ලොව සියලුම ප්රධාන Hard-court කුසලාන (Grand Slams, Masters 1,000 ශූරතා හය සහ ATP Finals) ජයග්රහණය කළ ලොව ලාබාලතම ක්රීඩකයා බවට පත් විය. මීට පෙර මෙම සුවිශේෂී දක්ෂතාව දක්වා ඇත්තේ රොජර් ෆෙඩරර් සහ නොවැක් ජොකොවිච් යන අග්රගන්ය ක්රීඩකයන් දෙදෙනා පමණක් වීම විශේෂත්වයකි. මෙම වසරේ සිය ප්රථම ශූරතාව දිනූ සින්නර්, මුළු තරඟාවලිය පුරාම එකදු වටයක් හෝ පරාජය නොවී සිය ආධිපත්යය පැතිරවීමට සමත් වූ අතර, මෙම පරාජයත් සමඟ වුවද මෙඩ්වඩෙව් යළිත් ලොව හොඳම ක්රීඩකයන් 10 දෙනා අතරට පිවිසීමට සමත් වී තිබේ.
