ඉරානයේ රැඳවුම් භාරයේ සිටි ජපාන ජාතිකයෙකු ඇප මත මුදා හැර ඇති බව ජපාන රජයේ ප්රධාන ප්රකාශක මිනොරු කිහාරා අද (07) උදෑසන පැවති මාධ්ය හමුවකදී තහවුරු කළේය පසුගිය ජනවාරි 20 වනදා අත්අඩංගුවට ගෙන සිටි මෙම පුද්ගලයා ඊයේ (06) දිනයේදී මෙලෙස ඇප මත නිදහස් කර ඇති අතර ඔහුගේ සෞඛ්ය තත්ත්වය යහපත් මට්ටමක පවතින බව ද වාර්තා වේ එම පුද්ගලයාගේ අනන්යතාවය හෝ ඔහුට එල්ල වී තිබූ චෝදනා පිළිබඳව වැඩිදුර තොරතුරු හෙළි කිරීමට ජපාන රජය මෙතෙක් පියවර ගෙන නොමැත
පසුගිය පෙබරවාරි මාසයේදී වාර්තා වූයේ ජපානයේ එන් එච් කේ (NHK) පුවත් සේවයේ ටෙහෙරාන් කාර්යාංශ ප්රධානී ෂින්නොසුකේ කවාෂිමා නමැති මාධ්යවේදියා ඉරානය විසින් අත්අඩංගුවට ගෙන දේශීය බන්ධනාගාරයක් වෙත මාරු කර යවා ඇති බවයි එම අවස්ථාවේදී එන් එච් කේ ආයතනය පැවසුවේ සිය සේවකයන්ගේ ආරක්ෂාව ප්රමුඛතම කාර්යය වන බැවින් ඒ පිළිබඳව වැඩිදුර තොරතුරු අනාවරණය කළ නොහැකි බවයි ජපාන රජය ඉරාන බලධාරීන් සහ අදාළ පුද්ගලයාගේ පවුලේ සාමාජිකයන් සමඟ සමීපව කටයුතු කරමින් සිටින බව ද මීට පෙර ප්රකාශ කර තිබුණි
පෙබරවාරි 28 වනදා සිට ඇමෙරිකාව සහ ඊශ්රායලය එක්ව ඉරානයට එරෙහිව යුද මෙහෙයුම් ආරම්භ කිරීමත් සමඟ මැදපෙරදිග කලාපයේ පවතින දැඩි යුදමය සහ දේශපාලන අස්ථාවරත්වය හමුවේ මෙම ජපාන ජාතිකයා මුදා හැරීම වැදගත් රාජ්යතාන්ත්රික ජයග්රහණයක් ලෙස සැලකේ හෝමුස් සමුද්ර සන්ධිය අවහිර වීම සහ ගෝලීය බලශක්ති අර්බුදය හමුවේ ලෝක බලවතුන් ඉරානය සමඟ පවතින සබඳතා පිළිබඳව ඉතා අවධානයෙන් පසුවේ මෙම නිදහස් කිරීම දෙරට අතර සන්නිවේදන මාර්ග තවදුරටත් විවෘතව පවතින බවට ඉඟියක් ලෙස ද විශ්ලේෂකයෝ පෙන්වා දෙති
