ඇමරිකානු ජනාධිපති ඩොනල්ඩ් ට්රම්ප්ගේ සමීපතම හිතවතෙකු මෙන්ම එරට වඩාත්ම ජනප්රිය පෝඩ්කාස්ට් (Podcast) වැඩසටහන් මෙහෙයවන්නෙකු වන ජෝ රෝගන්, මෑතකදී MAGA (Make America Great Again) ව්යාපාරයේ ආධාරකරුවන් “නොවැදගත්” සහ “මෝඩ” පිරිසක් (Dorks) ලෙස හඳුන්වමින් කළ විවේචනයට ඇමරිකානු උප ජනාධිපති ජේ.ඩී. වෑන්ස් සිය ප්රතිචාරය දක්වා තිබේ. පසුගිය සෙනසුරාදා පැවැති ‘The Benny Show’ වැඩසටහනට එක්වෙමින් වෑන්ස් මේ පිළිබඳව අදහස් දැක්වීය.
ජෝ රෝගන් පවසා සිටියේ MAGA ව්යාපාරය දැන් ඇමරිකාව කෙරෙහි ඇති අවධානයෙන් බැහැර වී ඇති බවත්, එහි සිටින්නේ ඉතාමත් අශෝභන පිරිසක් බවත්ය. මෙයට සිනහවෙමින් පිළිතුරු දුන් ජේ.ඩී. වෑන්ස් ප්රකාශ කළේ, “ඕනෑම කණ්ඩායමක අඩුපාඩු සහිත පිරිස් (Dorks) සිටින බවත්, නමුත් වාම පාර්ශවයට (Far left) සාපේක්ෂව තම ව්යාපාරය තුළ එවැනි පිරිස් ඉතා අඩු” බවත්ය. “අපි අපේ ඒ හැමෝටම ආදරෙයි, රට බේරාගැනීමට කැපවන ඕනෑම අයෙකු අපට වටිනවා” යනුවෙන් ද ඔහු වැඩිදුරටත් සඳහන් කළේය.
ට්රම්ප් පරිපාලනයේ දැඩි විවේචකයෙකු බවට පත්ව සිටින ජෝ රෝගන්ගේ මෙම ප්රකාශය ඇමරිකානු දේශපාලන කරළියේ දැඩි කතාබහට ලක්ව ඇති අතර, උප ජනාධිපතිවරයා ඉතා සැහැල්ලුවෙන් මෙයට පිළිතුරු දීම පිළිබඳව ද බොහෝ දෙනාගේ අවධානය යොමු වී තිබේ. ඉදිරි මැතිවරණ කටයුතුවලදී ජෝ රෝගන් වැනි ප්රබල මතධාරීන්ගේ මෙම විවේචන රජයට දැඩි බලපෑමක් එල්ල කළ හැකි බව විචාරකයෝ පෙන්වා දෙති.
