කලාපීය යුදමය නොසන්සුන්තා හේතුවෙන් ආරක්ෂක පියවරක් ලෙස තාවකාලිකව වසා දමා තිබූ ජෝර්දාන ගුවන් කලාපය (Jordanian Airspace) වහාම ක්රියාත්මක වන පරිදි යළි විවෘත කරන බව එරට සිවිල් ගුවන් සේවා අධිකාරිය නිවේදනය කර තිබේ. පසුගිය සඳුදා රාත්රියේ සිට ක්රියාත්මක වූ මෙම අර්ධ වශයෙන් වසා තැබීමේ තීරණය ඉවත් කර ඇත්තේ සියලුම අදාළ ආරක්ෂක අංශ සහ ජාත්යන්තර සංවිධාන සමඟ එක්ව සිදු කරන ලද ගැඹුරු අවදානම් තක්සේරුවකින් පසුව බව එම අධිකාරිය නිකුත් කළ නිවේදනයක දැක්වේ.
ඉරානය සහ ඊශ්රායලය අතර ඇති වූ මිසයිල ප්රහාර මාලාවත් සමඟ ගුවන් මගීන්ගේ ආරක්ෂාව තහවුරු කිරීම සඳහා ජෝර්දානය ඇතුළු කලාපයේ රටවල් කිහිපයක් සිය ගුවන් සීමා වසා දැමීමට කටයුතු කර තිබුණි. මෙම ගුවන් කලාපය යළි විවෘත කිරීමත් සමඟ මැදපෙරදිග හරහා යුරෝපය සහ ආසියාව යා කරන ගුවන් ගමන් රැසක් යළිත් සාමාන්ය පරිදි ක්රියාත්මක වීමට මග පෑදී ඇතත්, මගීන්ට උපදෙස් දී ඇත්තේ ගුවන් තොටුපළ වෙත පැමිණීමට පෙර තම ගුවන් සමාගම සමඟ වේලාවන් ස්ථිර කර ගන්නා ලෙසයි.
