සුපිරි හොලිවුඩ් නළුවෙකු වන ජූඩ් ලෝ (Jude Law) ගේ 11 හැවිරිදි දියණිය වන ඇඩා ලෝ (Ada Law) හට ජනප්රිය ඇමරිකානු ගායිකා චැපල් රෝන්ගේ (Chappell Roan) ආරක්ෂක නිලධාරියෙකු විසින් තර්ජනය කර ඇති බවට බ්රසීල පාපන්දු තරුවෙකු වන ජෝර්ජින්හෝ ෆ්රෙල්ලෝ (Jorginho Frello) චෝදනා කර සිටී. ජෝර්ජින්හෝ යනු ඇඩා ලෝගේ සුළු පියා වන අතර, බ්රසීලයේ සාඕ පවුලෝ හි හෝටලයකදී උදෑසන ආහාරය ගනිමින් සිටියදී මෙම සිදුවීම වී ඇති බව වාර්තා වේ. ගායිකාව දුටු සතුටට ඇය අසලින් ගමන් කළ දියණිය, තමාට හිරිහැර කරන බව පවසමින් ආරක්ෂකයා ඉතා රළු ලෙස බැණ වැදී ඇති අතර ඉන් දියණිය දැඩි ලෙස බියට පත්ව හඬා වැටී ඇති බව ජෝර්ජින්හෝ පවසයි.
මෙම සිදුවීමත් සමඟ ජූඩ් ලෝ පිළිබඳව ද සමාජ මාධ්ය තුළ දැඩි කතාබහක් ඇති වී තිබේ. ජූඩ් ලෝ සිය හිටපු පෙම්වතිය වන කැතරින් හාඩින් සමඟ ඇඩා ලෝ දියණිය බෙදා ගන්නා අතර, කැතරින් මේ වන විට ජෝර්ජින්හෝ සමඟ විවාහ වී සිටී. මේ අතර ජූඩ් ලෝගේ වත්මන් බිරිඳ වන 40 හැවිරිදි පිලිප්පා කෝන් (Phillipa Coan) පිළිබඳව ද බොහෝ දෙනා අවධානය යොමු කර ඇත. ඇය ව්යාපාරික මනෝවිද්යාඥවරියක වන අතර, ජූඩ් ලෝ සහ ඇය අතර වසර 13ක පමණ වයස් පරතරයක් පවතී. ඔවුන් දෙදෙනාට 2020 සහ 2023 වසරවල උපත ලැබූ දරුවන් දෙදෙනෙකු සිටින අතර ඔවුන්ගේ පෞද්ගලිකත්වය ආරක්ෂා කිරීමට ජූඩ් ලෝ නිරන්තරයෙන් කටයුතු කරයි.
චැපල් රෝන් මෙම චෝදනා සම්බන්ධයෙන් මෙතෙක් නිල ප්රකාශයක් කර නොමැති වුවද, ඇයගේ ප්රසංගයක් අතරතුරදී තම ආරක්ෂක කණ්ඩායමට ස්තූති කර තිබීම ද රසිකයින්ගේ විවේචනයට ලක්ව ඇත. මෙම සිදුවීම හේතුවෙන් රියෝ ද ජැනැයිරෝ නගරාධිපතිවරයා විසින් ගායිකාවට එරෙහිව දැඩි පියවරක් ගනිමින් ඇයව නගරයේ ප්රසංග පැවැත්වීමෙන් තහනම් කර ඇති බව ද විදෙස් මාධ්ය වාර්තා කරයි. ජූඩ් ලෝට මීට පෙර විවාහයන්ගෙන් සහ සබඳතාවලින් තවත් දරුවන් පස් දෙනෙකු සිටින අතර ඇඩා ලෝ ඔහුගේ පස්වැනි දරුවා වේ.
