කුරියර් සේවාවක නියුතු අයෙකු ලෙස පෙනී සිටිමින් සෙල්ලම් බඩු තුළ සඟවා ‘අයිස්’ (Ice – Crystal Methamphetamine) මත්ද්රව්ය බෙදාහැරීමේ නිරත වූ සැකකරුවෙකු කල්මුණේදී අත්අඩංගුවට ගත් බව පොලිසිය පවසයි.
අම්පාර කොට්ඨාස අපරාධ විමර්ශන කාර්යාංශයේ දූෂණ මර්දන ඒකකය විසින් කල්මුණේ වෙරළ පාරේ (Beach Road) සිදුකළ විශේෂ වැටලීමකදී මෙම සැකකරු කොටු කරගෙන ඇත. අත්අඩංගුවට ගන්නා අවස්ථාවේදී සැකකරු සතුව තිබී සෙල්ලම් බඩු තුළ සූක්ෂම ලෙස සඟවා තිබූ ‘අයිස්’ මත්ද්රව්ය ග්රෑම් 107ක් සොයාගෙන තිබේ.
මූලික පරීක්ෂණවලදී හෙළි වී ඇත්තේ සැකකරු විසින් මරුතමුනෙයි සහ සයින්දමරුදු යන ප්රදේශවලට භාණ්ඩ බෙදාහරින මුවාවෙන් මෙම මත්ද්රව්ය ජාවාරම මෙහෙයවා ඇති බවයි. මීට අමතරව, ජාවාරමෙන් උපයාගත් බවට සැකකෙරෙන රුපියල් 39,620ක මුදලක්, විද්යුත් තරාදියක් සහ ජංගම දුරකථන දෙකක් ද පොලිස් භාරයට ගෙන ඇත. සිද්ධිය සම්බන්ධයෙන් කල්මුණේ පොලිසිය වැඩිදුර විමර්ශන පවත්වයි.
