කැන්සාස් සිටි චීෆ්ස් (Kansas City Chiefs) කණ්ඩායමේ ප්රබල ක්රීඩක ට්රැවිස් කෙල්සි (Travis Kelce) සිය 14 වැනි තරග වාරය සඳහා ද එම කණ්ඩායම සමඟම රැඳී සිටීමට තීරණය කර තිබේ. 36 හැවිරිදි මෙම ප්රවීණ ක්රීඩකයා අනෙකුත් කණ්ඩායම්වලින් ලැබුණු ඉහළ මිල ගණන් ප්රතික්ෂේප කරමින්, ඩොලර් මිලියන 15ක වටිනාකමකින් යුත් වසරක ගිවිසුමකට එළඹ ඇති බව වාර්තා වේ.
පසුගිය වාරයේදී වසර 10කට පසු ප්රථම වතාවට ප්ලේ-ඕෆ් (play-offs) වටය අහිමි කරගත් චීෆ්ස් කණ්ඩායම, සිය ඉදිරි පෙළ ශක්තිමත් කිරීම සඳහා පසුගිය සුපර් බෝල් තරගයේ වටිනාම ක්රීඩකයා (MVP) ලෙස සම්මාන ලැබූ කෙනත් වෝකර් (Kenneth Walker) සමඟ ද ගිවිසුම්ගත වී ඇත. වෝකර් සමඟ එළඹ ඇති වසර තුනක ගිවිසුමේ වටිනාකම ඩොලර් මිලියන 45කි.
සීට්ල් සීහෝක්ස් (Seattle Seahawks) කණ්ඩායම නියෝජනය කරමින් පසුගිය වාරයේදී දස්කම් දැක්වූ 25 හැවිරිදි වෝකර්, 1998 වසරෙන් පසු සුපර් බෝල් MVP සම්මානය දිනූ පළමු රනින් බැක් (running back) ක්රීඩකයා වේ. ඔහු චීෆ්ස් කණ්ඩායමට එක්වීම එම කණ්ඩායමේ ඉදිරි තරග වාරයේ සාර්ථකත්වයට තීරණාත්මක බලපෑමක් එල්ල කරනු ඇතැයි ක්රීඩා විචාරකයෝ පවසති.
