හෝමූස් සමුද්ර සන්ධිය යළි විවෘත කිරීම සඳහා ක්රියාත්මක වන සැලසුම සඳහා හැකි උපරිම රටවල් සංඛ්යාවක දායකත්වය ලබා ගැනීමට බ්රිතාන්ය රජය උත්සාහ කරන බව අග්රාමාත්ය කීර් ස්ටාර්මර් මහතා ප්රකාශ කළේය. ITV පුවත් සේවයේ රොබට් පෙස්ටන් නැගූ ප්රශ්නයකට පිළිතුරු දෙමින් ඔහු සඳහන් කළේ මේ සම්බන්ධයෙන් තමන් ඊයේ දිනයේදී අමෙරිකානු ජනාධිපති ඩොනල්ඩ් ට්රම්ප් සමඟ ද සාකච්ඡා කළ බවයි.
මෙම මෙහෙයුම සඳහා බ්රිතාන්ය රාජකීය නාවික හමුදාව (Royal Navy) යෙදවීමේ හැකියාව පිළිබඳව සෘජු පිළිතුරක් ලබා නොදුන් අගමැතිවරයා, මේ වන විට ක්රියාත්මක කළ හැකි විශ්වාසදායක සැලසුමක් පිළිබඳව යුරෝපීය හවුල්කරුවන්, ගල්ෆ් කලාපීය රටවල් සහ අමෙරිකාව සමඟ සාකච්ඡා පවත්වමින් සිටින බව පෙන්වා දුන්නේය. මෙය හුදෙකලා මෙහෙයුමක් ලෙස නොව, ජාත්යන්තර සහයෝගීතාවයකින් යුතුව සිදු කිරීම රජයේ අරමුණ බව ඔහු අවධාරණය කළේය.
කෙසේ වෙතත්, මෙම ක්රියාවලිය “පහසු නොවන” බවත් එය ඉතා “දුෂ්කර” කටයුත්තක් බවත් අගමැතිවරයා මෙහිදී විවෘතව පිළිගත්තේය. පවතින සංකීර්ණ යුදමය සහ රාජ්ය තාන්ත්රික වාතාවරණය හමුවේ, නාවික ගමනාගමනය සුරක්ෂිත කිරීම සඳහා ප්රායෝගිකව ක්රියාත්මක කළ හැකි සැලසුමක් සකස් කිරීම රජයේ මූලික අවධානයට ලක්ව ඇති බව ඔහු වැඩිදුරටත් ප්රකාශ කළේය.
