කෙන්යාව සහ චීනය අතර අත්සන් කරන ලද නව ශුන්ය තීරුබදු (Zero-Tariff) වෙළඳ රාමුව යටතේ කෙන්යාවේ සිට චීනය වෙත යැවෙන පළමු අපනයන තොගය ඊයේ (23) නිල වශයෙන් නිකුත් කෙරිණි. නයිරෝබි නුවරදී පැවැති මෙම ඓතිහාසික අවස්ථාවට චීන උප ජනාධිපති හන් සෙං (Han Zheng) සහ කෙන්යානු නියෝජ්ය ජනාධිපති කිතුරේ කින්ඩිකි (Kithure Kindiki) යන මහත්වරුන් සහභාගී වූ අතර, හිටපු තානාපති සහ ව්යාපාරික කේ. කනනාදන් මහතා ද විශේෂ ආරාධිතයෙකු ලෙස එක්ව සිටියේය.
මෙම නව වෙළඳ ගිවිසුම මගින් කෙන්යාවේ ක්රියාත්මක වන ශ්රී ලාංකික ව්යාපාරිකයන්ට, විශේෂයෙන්ම තේ නිෂ්පාදකයන්ට සහ කෘෂිකාර්මික අපනයනකරුවන්ට චීන වෙළඳපොළ ජය ගැනීමට විශාල අවස්ථාවක් උදාවනු ඇති බව කනනාදන් මහතා පෙන්වා දෙයි. කෙන්යාවේ සිටින ශ්රී ලාංකික ව්යාපාරිකයන්ට මෙම තීරුබදු සහනය උපරිමයෙන් ප්රයෝජනයට ගනිමින් තම නිෂ්පාදන ලෝකයේ විශාලතම පාරිභෝගික වෙළඳපොළක් වන චීනය වෙත යොමු කළ හැකි බව ඔහු වැඩිදුරටත් සඳහන් කළේය.
අද දිනයේ වාර්තා වූ අනෙකුත් ප්රධාන පුවත් අතර, ඉන්දීය විදේශ අමාත්ය ජයිශංකර් සහ මෙරට විදේශ අමාත්ය විජිත හේරත් අතර පැවැති සාකච්ඡාව, කොලොම්බියානු ගුවන් අනතුරෙන් මියගිය සංඛ්යාව 66 දක්වා ඉහළ යාම සහ චීනය විසින් ‘ස්මාර්ට් ඩ්රැගන් 3′ රොකට්ටුවෙන් චන්ද්රිකා 10ක් අභ්යවකාශයට යැවීම ප්රධාන වේ. දේශීය වශයෙන් රන් මිල රුපියල් 370,000 (කැරට් 24) දක්වා පහත වැටීම, සිමෙන්ති මිල රුපියල් 175කින් ඉහළ යාම සහ පුද්ගලයින් ලියාපදිංචි කිරීමේ දෙපාර්තමේන්තුවේ සේවාවන් යළි ආරම්භ කිරීම ද අද දින ජන අවධානයට ලක් විය.
