උතුරු කොරියාවේ ප්යොංයැං අගනුවර පැවති සුවිශේෂී උත්සවයකදී, එරට නායක කිම් ජොන් උන් න්යෂ්ටික අවි රැගෙන යා හැකි මිලිමීටර් 600 ක දැවැන්ත බහු රොකට් විදිනයක (Multiple Rocket Launcher) රෝදය අතට ගෙන එය පදවන අයුරු රාජ්ය මාධ්ය විසින් ප්රසිද්ධ කර තිබේ. 2026 පෙබරවාරි 18 වන දින පැවති මෙම යුධෝපකරණ ප්රදර්ශනයේදී, මෙම අවිය ලෝකයේ පවතින බලවත්ම අවිය ලෙස හඳුන්වා දුන් කිම් ජොන් උන්, එය නූතන යුද්ධයේ කාලතුවක්කු භූමිකාව සම්පූර්ණයෙන්ම වෙනස් කර ඇති බව ප්රකාශ කළේය.
මෙම නව රොකට් පද්ධතියේ වාහක 50ක් පමණ හමුදා සංදර්ශනයට ඉදිරිපත් කර තිබූ අතර, එහි ඇති විශේෂත්වය වන්නේ මාර්ගෝපදේශන පද්ධති සඳහා කෘතිම බුද්ධිය (AI) භාවිතා කිරීමයි. දකුණු කොරියාවේ අගනුවර ඇතුළු ප්රධාන මධ්යස්ථාන සියල්ලම මෙම රොකට් පද්ධතියේ ප්රහාරක පරාසය තුළ පවතින බවත්, ඒවාට උපායශීලී න්යෂ්ටික යුධ හිස් පවා සවිකළ හැකි බවත් විශ්ලේෂකයෝ පෙන්වා දෙති. උතුරු කොරියාව සිය නවවන පක්ෂ සම්මේලනයට සූදානම් වෙමින් සිටින අතරතුර මෙම ප්රදර්ශනය පවත්වා ඇත්තේ සිය මිලිටරි බලය ලොවට විදහා දැක්වීමට සහ දේශීය ප්රචාරණ කටයුතු සඳහායි.
රුසියාව විසින් යුක්රේනය ආක්රමණය කිරීමට උතුරු කොරියාව දිගටම සහාය දක්වන පසුබිමක මෙම සිදුවීම වාර්තා වේ. මොස්කව් වෙත මිසයිල සහ දහස් ගණනක හමුදා භටයින් සැපයීම හරහා උතුරු කොරියානු හමුදාව ලබන අත්දැකීම්, ඔවුන්ගේ ආයුධ සහ උපක්රම තවදුරටත් පිරිපහදු කිරීමට උපකාරී වනු ඇතැයි ජාත්යන්තර විශ්ලේෂකයෝ අනතුරු අඟවති. දැනට උතුරු කොරියාව සතුව න්යෂ්ටික යුධ හිස් 50ක් පමණ ඇති බව විශ්වාස කෙරෙන අතර, කිම් ජොන් උන් පවසන්නේ සිය රටේ ආරක්ෂක හැකියාවන් ශක්තිමත් කිරීමේ ඊළඟ අදියර ඉදිරි දිනවලදී එළිදක්වන බවයි.
