ඉන්දීය ‘ක්රිෂ්’ සමාගම සමඟ සිදුවූ ගනුදෙනුවකට අදාළව පාර්ලිමේන්තු මන්ත්රී නාමල් රාජපක්ෂ මහතාට එරෙහිව පවරා ඇති නඩුව ලබන 19 වනදා දක්වා කල් තැබීමට කොළඹ මහාධිකරණය අද (16) නියම කළේය.
මෙම නඩුව අද කැඳවූ අවස්ථාවේදී විත්තිකාර නාමල් රාජපක්ෂ මහතා අධිකරණය හමුවේ පෙනී සිටි නමුත්, අකුරේගොඩ නීතිඥ යුවළ ඝාතනයට විරෝධය පා නීතිඥවරුන් අද දින රාජකාරීවලින් ඉවත් වී සිටීම හේතුවෙන් නඩු විභාගය කල් තැබීමට විනිසුරුවරයා තීරණය කළේය.
ශ්රී ලංකාවේ රග්බි ක්රීඩාව ප්රවර්ධනය කිරීමේ මුවාවෙන් ඉන්දියානු ක්රිෂ් සමාගමෙන් රුපියල් මිලියන 70ක මුදලක් ලබාගෙන එය සාවද්ය ලෙස පරිහරණය කිරීම සම්බන්ධයෙන් නීතිපතිවරයා විසින් මෙම නඩුව ගොනුකර තිබේ. මෙම මූල්ය අක්රමිකතාව සම්බන්ධයෙන් පසුගිය කාලසීමාව පුරාම දීර්ඝ ලෙස විමර්ශන ක්රියාත්මක විය.
