බටහිර ආසියානු කලාපයේ පවතින යුදමය වාතාවරණය මධ්යයේ ඉරාන ඩ්රෝන ප්රහාරයකට ලක්ව මියගිය ඉන්දීය ජාතික විදුලි කාර්මිකයෙකු වන සන්තානසෙල්වම් ක්රිෂ්ණන්ගේ (Santhanaselvam Krishnan) පවුල වෙනුවෙන් වසරක වැටුපක් ගෙවීමට කුවේට් හි “Al Thiqa Food Group” සමාගම තීරණය කර තිබේ. කුවේට් හි පිහිටි ජල පිරිපහදු සහ විදුලි බලාගාරයක සේවය කරමින් සිටියදී මෙම අවාසනාවන්ත අනතුරට මුහුණ පෑ ඔහුගේ පවුල වෙනුවෙන් මානුෂීය සහ සමාජීය වගකීමක් ලෙස මෙම පියවර ගත් බව එම සමාගම පවසයි.
ක්රිෂ්ණන්ගේ දේහය පසුගිය අප්රේල් 1 වනදා කුවේට් ගුවන් සේවයට අයත් විශේෂ යානයකින් කොචින් ජාත්යන්තර ගුවන් තොටුපළ වෙත රැගෙන එන ලදී. මීට අමතරව, ඉරානයේ පවතින අනාරක්ෂිත තත්ත්වය හේතුවෙන් එරට රැඳී සිටි ඉන්දීය ජාතිකයන් 1,150 කට අධික පිරිසක් ගොඩබිම් මාර්ග ඔස්සේ ආර්මේනියාව සහ අසර්බයිජානය හරහා ඉවත් කර ගැනීමට ඉන්දීය විදේශ කටයුතු අමාත්යාංශය (MEA) සමත්ව ඇත.
ඉන්දීය විදේශ කටයුතු අමාත්යාංශයේ ප්රකාශක රන්දීර් ජයිස්වාල් මහතා පැවසුවේ, සිසුන් 818 දෙනෙකු ඇතුළු ඉන්දීය වැසියන් 1,171 දෙනෙකු ඉරාන දේශසීමා හරහා ආරක්ෂිතව මුදාගෙන ඇති බවයි. මොවුන් ආර්මේනියාවට සහ අසර්බයිජානයට පැමිණීමෙන් පසු එතැන් සිට ගුවන් මගින් යළි ඉන්දියාව බලා පිටත් කර හැරීමට කටයුතු කර තිබේ.
