ඇමරිකාවේ නිව්යෝර්ක් නුවර ලගාඩියා (LGA) ගුවන්තොටුපළේදී එයාර් කැනඩා එක්ස්ප්රස් (Air Canada Express) යානයක් සහ ගිනි නිවන රථයක් එකිනෙක ගැටීමෙන් සිදු වූ දරුණු අනතුරකින් යානයේ නියමුවා සහ සහාය නියමුවා අවාසනාවන්ත ලෙස ජීවිතක්ෂයට පත්ව ඇත. පසුගිය ඉරිදා (22) රාත්රී 11:40 ට පමණ මෙම අනතුර සිදුව ඇත්තේ මොන්ට්රියල් සිට පැමිණි AC8646 දරන ගුවන් යානය ගුවන්තොටුපළේ 4 වැනි ධාවන පථය (Runway 4) මතදීය. වෙනත් හදිසි අවස්ථාවකට ප්රතිචාර දැක්වීම සඳහා ධාවනය වෙමින් තිබූ වරාය අධිකාරියට අයත් ගිනි නිවන රථයක මෙම ගුවන් යානය ගැටී ඇති අතර මෙම දරුණු ගැටීමත් සමඟ ගුවන්තොටුපළේ සියලුම ගුවන් ගමන් මෙහෙයුම් තාවකාලිකව අත්හිටුවීමට බලධාරීන් පියවර ගෙන තිබේ.
අද (23) දිනය පුරාම ගුවන් ගමන් ප්රමාදයන් සහ අවලංගු කිරීම් රාශියක් වාර්තා වන අතර මගීන්ට තම ගුවන් සමාගම් හරහා තොරතුරු විමසන ලෙස දැනුම් දී ඇත. මෙම අසාමාන්ය අනතුර සිදු වූ ආකාරය පිළිබඳව ඇමරිකානු ජාතික ප්රවාහන ආරක්ෂක මණ්ඩලය (NTSB) සහ ෆෙඩරල් ගුවන් සේවා පරිපාලනය (FAA) විසින් විශේෂ විමර්ශනයක් ආරම්භ කර ඇති අතර ගුවන්තොටුපළේ ආරක්ෂක පද්ධතිවල පවතින ගැටලු පිළිබඳව ද මෙහිදී අවධානය යොමු කෙරේ.
