අපනයන කෘෂිබෝග ඉලක්ක කරගනිමින් ක්රියාත්මක කෙරෙන “පොකුරු ගම්මාන” වැඩසටහනේ සමාරම්භය කෘෂිකර්ම, පශු සම්පත්, ඉඩම් සහ වාරිමාර්ග අමාත්ය කේ.ඩී. ලාල්කාන්ත මහතාගේ ප්රධානත්වයෙන් ඊයේ (10) කෑගල්ලේදී ආරම්භ විය. අපනයන කෘෂිකර්ම දෙපාර්තමේන්තුව මගින් මෙහෙයවන මෙම ව්යාපෘතිය සඳහා රජය රුපියල් මිලියන 1200ක ප්රතිපාදන වෙන් කර ඇති අතර, එහි ප්රධාන අරමුණ වන්නේ 2030 වන විට කුළුබඩු අපනයනය මගින් ඇමරිකානු ඩොලර් මිලියන 455ක ආදායම් ඉලක්කයක් සපුරා ගැනීමයි. 2026 වසර තුළ දිවයින පුරා මෙවැනි ගම්මාන 200ක් ස්ථාපිත කිරීමටත්, 2030 වන විට එම සංඛ්යාව 500 දක්වා ඉහළ නැංවීමටත් සැලසුම් කර තිබේ.
මෙම වැඩසටහන යටතේ වගාකරුවන්, නිෂ්පාදකයින් සහ අපනයනකරුවන් ඒකරාශී කර අපනයන කෘෂි නිෂ්පාදන සමිති පිහිටුවන අතර, මුල් වසර දෙක තුළ නවීන වගා තාක්ෂණය සහ ධාරිතාව ඉහළ නැංවීමට කටයුතු කෙරේ. ඉන් අනතුරුව නිෂ්පාදනවල ගුණාත්මකභාවය වැඩි දියුණු කර අගය එකතු කළ නිෂ්පාදන ලෙස විදේශ වෙළඳපොළ වෙත යොමු කිරීමට පියවර ගනු ලබයි. මෙහිදී අදහස් දැක්වූ අමාත්ය ලාල්කාන්ත මහතා අවධාරණය කළේ ගොවි ජනතාවගේ දරිද්රතාවය පිටුදැකීම සහ ඔවුන් ව්යවසායකයින් බවට පත් කිරීම රජයේ ප්රමුඛ වගකීමක් බවයි. “ආර්ථික ප්රජාතන්ත්රවාදය” මූලධර්මය යටතේ ගොවියාට තමන්ගේ අස්වැන්න සඳහා සාධාරණ ලාභයක් හිමිකර දීමට මෙම පොකුරු ගම්මාන ක්රමය මගින් අවස්ථාව සැලසෙනු ඇත.
