ඉදිරි සිංහල සහ හින්දු අලුත් අවුරුදු සමයේදී ජනතාවට සහන මිලට මත්ස්ය නිෂ්පාදන ලබාදීම සඳහා ලංකා ධීවර සංස්ථාව විශේෂ වැඩපිළිවෙළක් ආරම්භ කර තිබේ. “අලුත් අවුරුද්දට අලුත් මාළු අලුත් මිලට” යන තේමාව යටතේ කොප්පරා සහ සප්පරා වැනි මසුන් සහනදායී මිලකට පාරිභෝගිකයන් වෙත ලබාදීමට කටයුතු කරන ලෙස ධීවර, ජලජ හා සාගර සම්පත් අමාත්ය රාමලිංගම් චන්ද්රසේකර් මහතා උපදෙස් ලබා දී ඇත. ධීවර සංස්ථා පරිශ්රයේදී ඊයේ (06) පැවති ප්රගති සමාලෝචන රැස්වීමකදී මෙම තීරණ ගනු ලැබීය.
මීට අමතරව ධීවර සංස්ථාව ලාභ ලබන ආයතනයක් බවට පත් කිරීමේ අරමුණින් නව ව්යාපෘති කිහිපයක් ද ක්රියාත්මක කිරීමට මෙහිදී පියවර ගැනිණි. ඒ අනුව ජපන් ආධාර යටතේ ලැබෙන අධිශීතකරණ ට්රක් රථ (Freezer Trucks) ව්යාපෘතිය සහ රුපියල් මිලියන 86ක වියදමින් ඉදිකෙරෙන නව අධිශීතනාගාරය සහ බ්ලාස්ට් ෆ්රීසර් (Blast Freezer) ව්යාපෘතිය කඩිනම් කිරීමට නියමිතය. එමෙන්ම බස්නාහිර පළාතේ අලෙවි ජාලය පුළුල් කිරීමටත්, ත්රිරෝද රථ මඟින් මත්ස්ය නිෂ්පාදන රට අභ්යන්තරයට බෙදා හැරීමටත් පියවර ගන්නා බව ධීවර සංස්ථා සභාපතිවරයා මෙහිදී අවධාරණය කළේය.
සේවක සුබසාධනය සම්බන්ධයෙන් ද මෙහිදී විශේෂ අවධානයක් යොමු වූ අතර, සේවක අර්ථසාධක අරමුදල් (EPF) සහ පාරිතෝෂික (Gratuity) දීමනා ගෙවීම කඩිනම් කිරීමට අග්රාමාත්යවරිය සහ ජනාධිපතිවරයා ලබා දුන් ප්රතිපාදන යොදා ගන්නා බව ද අනාවරණය විය.
