අද (10) දින සිට ක්රියාත්මක වන පරිදි ඉන්ධන මිල ඉහළ දැමීම සම්බන්ධයෙන් අදහස් දක්වමින් ලංකා ඛනිජ තෙල් නීතිගත සංස්ථාව (ලංකායියෝ) ප්රකාශ කර සිටින්නේ පවතින ගෝලීය වෙළඳපොළ තත්ත්වයන් හමුවේ වුවද තමන් ඉන්ධන මිල ඉහළ නංවා ඇත්තේ ඉතා අවම මට්ටමකින් බවයි. ලෝක වෙළඳපොළේ බොරතෙල් මිල ශීඝ්රයෙන් ඉහළ ගියද, පාරිභෝගිකයාට එල්ල වන පීඩනය අවම කිරීම සඳහා තමන් මිල වැඩි කිරීම 10%ක සීමාවට වඩා අඩුවෙන් තබා ගැනීමට පියවර ගත් බව සංස්ථාවේ ජ්යෙෂ්ඨ ප්රකාශකයෙකු සඳහන් කළේය.
සයිනොපෙක් (Sinopec) සහ අයි.ඕ.සී (LIOC) වැනි අනෙකුත් සමාගම් ද සංස්ථාවේ මිල ගණන්වලට සාපේක්ෂව සිය මිල ගණන් සංශෝධනය කර ඇති අතර, පවතින ආර්ථික තත්ත්වය හමුවේ මෙලෙස මිල පාලනය කරමින් ඉන්ධන සැපයීම අභියෝගාත්මක කාර්යයක් බව ද සංස්ථාව පෙන්වා දෙයි. කෙසේ වෙතත්, මෙම ඉන්ධන මිල ඉහළ යාමට එරෙහිව ප්රවාහන සංගම් සහ දේශපාලන කණ්ඩායම් මේ වන විටත් විරෝධය පළ කරමින් සිටී.
