මෙරට ප්රමුඛ පෙළේ සමාගමක් වන Liberty Lands & Developments (LLD) ආයතනය, Scope Cinemas සිනමා ජාලයේ ඉතිරිව තිබූ කොටස් ද මිලදී ගනිමින් එහි සම්පූර්ණ අයිතිය (100% Ownership) තමන් සතු කරගෙන තිබෙනවා. මෙය ඔවුන්ගේ සමූහ ප්රතිව්යුහගත කිරීමේ සහ දිගුකාලීන උපායමාර්ගික සැලැස්මක කොටසක් ලෙසයි ක්රියාත්මක වන්නේ
මෙම හිමිකාරිත්වයේ වෙනසත් සමඟ Scope Cinemas හි ප්රධාන විධායක නිලධාරී (CEO) සහ අධ්යක්ෂ ධුරය දැරූ තුෂාන් රංගන මීමනගේ මහතා මාර්තු 31 වැනිදා සිට ක්රියාත්මක වන පරිදි එම ධුරවලින් ඉල්ලා අස්වී තිබෙනවා. ඒ අනුව සමාගමේ මීළඟ වර්ධනීය පියවරයන් සඳහා නායකත්වය ලබා දීම වෙනුවෙන් එහි විධායක සභාපති ලෙස කටයුතු කරන නවීඩ් කාදර් මහතා වහාම ක්රියාත්මක වන පරිදි එහි අන්තර්කාලීන ප්රධාන විධායක නිලධාරීවරයා (Interim CEO) ලෙස පත් කර ඇති බව සඳහන්
Liberty Lands & Developments සමාගම සතු ව්යාපාරික කළඹට Scope Cinemas සිනමා ජාලයට අමතරව Food Studio, Alhambra Hotels සහ Cine Digital වැනි ප්රමුඛ පෙළේ සන්නාමයන් රැසක් ඇතුළත් වනවා. මෙම නව ඒකාබද්ධ කිරීම හරහා ශ්රී ලංකාවේ සිනමා ක්ෂේත්රය තුළ ප්රේක්ෂකයන්ට තවදුරටත් ලෝක මට්ටමේ උසස් සිනමා අත්දැකීමක් ලබාදීමට හැකිවනු ඇති බවයි නවීඩ් කාදර් මහතා විශ්වාසය පළ කරන්නේ
