ළමා අපයෝජන දර්ශන (CSAM) සහ ළමා ලිංගික රූප රැගත් උපකරණ ළඟ තබා ගැනීම සම්බන්ධයෙන් ඇමරිකා එක්සත් ජනපදයේ ලුසියානා (Louisiana) ප්රාන්තයේ පදිංචි පුද්ගලයෙකුට එරෙහිව එරට නීතිපති කාර්යාලය විසින් බරපතල චෝදනා ගොනු කර තිබේ. හෝම්ලෑන්ඩ් සිකියුරිටි ඉන්වෙස්ටිගේෂන්ස් (HSI) සහ ලුසියානා ප්රාන්ත පොලිසිය එක්ව සිදුකළ වැටලීමකදී ජේමි බෝර්න් (Jamie Borne) නමැති මෙම පුද්ගලයා අත්අඩංගුවට ගෙන ඇත.
ලුසියානා නීතිපති ලිස් මුරිල් (Liz Murrill) ප්රකාශ කළ පරිදි, වයස අවුරුදු 13 ට අඩු දරුවන් සම්බන්ධ අසභ්ය දර්ශන ළඟ තබා ගැනීමේ චෝදනා 40 ක් සහ ළමා ලිංගික රූපාකාරයේ උපකරණ ළඟ තබා ගැනීම, ජාවාරම් කිරීම හෝ ආනයනය කිරීමේ චෝදනාවක් ඔහුට එරෙහිව එල්ල වී තිබේ. අත්අඩංගුවට ගත් සැකකරු වෘත්තියෙන් පරිගණක ක්රමලේඛකයෙකු (Programmer) ලෙස සේවය කරන අයෙකු බව විමර්ශනවලදී හෙළි වී ඇත.
සැකකාර බෝර්න් මේ වන විට ඔර්ලියන්ස් පැරිෂ් (Orleans Parish) බන්ධනාගාරයේ රඳවා සිටින අතර, ඔහුට එරෙහිව ඇති චෝදනා සඳහා ඇමරිකානු ඩොලර් මිලියන 2 කට අධික දඩ මුදලක් (Bond) නියම කර තිබේ. මීට පෙරද අවි ආයුධ භාවිත කරමින් සිදුකළ ප්රහාර සහ නීති විරෝධී ලෙස ගිනි අවි ක්රියාත්මක කිරීමේ චෝදනාවලට ඔහු වරදකරු වී ඇති බව නීතිපති කාර්යාලය වැඩිදුරටත් අනාවරණය කරයි. ළමුන් ඉලක්ක කරගනිමින් සිදුකරන මෙවැනි බරපතල අපරාධ සම්බන්ධයෙන් ලුසියානා ප්රාන්තය තුළ දැඩි නීතිමය ක්රියාමාර්ග ගන්නා බව බලධාරීහු අවධාරණය කරති.
