බස් ගාස්තු සංශෝධනය නිල වශයෙන් ප්රකාශයට පත් කිරීමට රජය ප්රමාද කරන්නේ නම්, අද (22) පස්වරු 6.00 සිට දිවයින පුරා පෞද්ගලික බස් වැඩවර්ජනයක් ආරම්භ කරන බව ලංකා පෞද්ගලික බස් හිමියන්ගේ සංගමය (LPBOA) නිවේදනය කරයි. ඉන්ධන මිල ඉහළ යාම හමුවේ පවතින අර්බුදකාරී තත්ත්වය සැලකිල්ලට ගෙන වහාම ගාස්තු සංශෝධනයක් අවශ්ය බවත්, ඒ පිළිබඳව සාකච්ඡා කිරීමට ජාතික ගමනාගමන කොමිෂන් සභාව (NTC) වෙත ගියද බලධාරීන්ගෙන් නිසි ප්රතිචාරයක් නොලැබුණු බවත් එම සංගමය චෝදනා කරයි.
අද පස්වරු 5.00 වන විට රජය විසින් බස් ගාස්තු සංශෝධනය පිළිබඳ නිල තීරණයක් ලබා නොදුන්නහොත්, මගී ජනතාව දැඩි අපහසුතාවයට පත් කරමින් මෙම වැඩවර්ජන ක්රියාමාර්ගයට අවතීර්ණ වන බව සංගමයේ සභාපතිවරයා වැඩිදුරටත් අවධාරණය කළේය. පවතින ඉන්ධන හිඟය සහ මිල ඉහළ යාම හමුවේ වත්මන් ගාස්තු යටතේ සේවාව පවත්වාගෙන යාමට නොහැකි බව ඔවුන්ගේ ස්ථාවරයයි.
