මැඩගස්කරයේ හමුදා පාලක කර්නල් මයිකල් රන්ද්රියානිරිනා (Michael Randrianirina) විසින් එරට අගමැතිවරයා ඇතුළු සමස්ත කැබිනට් මණ්ඩලයම වහාම ක්රියාත්මක වන පරිදි විසුරුවා හැරීමට ඊයේ (09) පියවර ගෙන තිබේ. කිසිදු පූර්ව දැනුම්දීමකින් තොරව සිදුකළ මෙම හදිසි තීරණයත් සමඟ එරට දේශපාලන ක්ෂේත්රය තුළ දැඩි නොසන්සුන්තාවයක් හටගෙන ඇති බව විදෙස් මාධ්ය වාර්තා කරයි.
පසුගිය වසරේ ඔක්තෝබර් මාසයේදී එවකට සිටි ජනාධිපති ඇන්ඩ්රි රාජොයෙලිනා (Andry Rajoelina) පලවා හරිමින් බලය අල්ලාගත් රන්ද්රියානිරිනා, වසර දෙකක් ඇතුළත ප්රජාතන්ත්රවාදී මැතිවරණයක් පවත්වන බවට පොරොන්දු වී තිබුණි. කෙසේ වෙතත්, බලයට පත්වීම සඳහා සහය දුන් ‘Gen Z’ තරුණ ව්යාපාරය වත්මන් පාලනය කෙරෙහි කළකිරීමෙන් පසුවන බවත්, පසුගියදා ඔවුන් හමුදා පාලකයාට ඉල්ලා අස්වීමට පැය 72ක කාලයක් ලබා දුන් බවත් වාර්තා වේ. නව අගමැතිවරයෙකු පත් කරන තෙක් අමාත්යාංශවල දෛනික කටයුතු ස්ථිර ලේකම්වරුන් යටතේ පවත්වාගෙන යන ලෙස මෙහිදී නියෝග කර ඇත.
