ශ්රී ලංකන් ගුවන් සේවයේ ලාභදායකම ගමනාන්තය වන ඕස්ට්රේලියාවට අමතර ගුවන් වාර එක් කිරීමේ යෝජනා සභාපති සරත් ගණේගොඩ මහතා විසින් හිතාමතා ප්රතික්ෂේප කර ඇති බවත්, එම හිස්තැන පිරවීම සඳහා ධම්මික පෙරේරා මහතාට අයත් හේලීස් ඒවීඒෂන් සමාගම නියෝජනය කරන ‘ජෙට්ස්ටාර්’ (Jetstar) ගුවන් සේවය මෙරටට ගෙන්වා ඇති බවත් බරපතළ වංචාවක් ලෙස අනාවරණය වේ. ජෙට්ස්ටාර් ගුවන් සේවය 2026 අගෝස්තු 27 වන දින සිට මෙල්බර්න් සිට කොළඹ දක්වා සෘජු ගුවන් ගමන් ආරම්භ කිරීමට නියමිත අතර, එහි මෙරට ප්රධාන විකුණුම් නියෝජිතයා (GSA) ලෙස කටයුතු කරන්නේ ධම්මික පෙරේරා මහතාට අයත් හේලීස් සමාගමයි.
මෙම ගනුදෙනුවේ පවතින බරපතළ ගැටලුව වන්නේ ශ්රී ලංකන් ගුවන් සේවයේ වත්මන් සභාපති සරත් ගණේගොඩ මහතා, ධම්මික පෙරේරා මහතා යටතේ පවතින හේලීස් සමාගමේ අධ්යක්ෂවරයෙකු ද වීමයි. තමන් සභාපතිත්වය දරන රාජ්ය ආයතනයට ලැබිය යුතු ලාභදායක ව්යාපාරික අවස්ථා හිතාමතා මඟහරිමින්, සිය පෞද්ගලික ආයතනය නියෝජනය කරන විදෙස් ගුවන් සේවයකට එම අවස්ථාව ලබා දීම හරහා රජයට ලැබිය යුතු ඩොලර් මිලියන ගණනක ආදායමක් ධම්මික පෙරේරා මහතාගේ පුද්ගලික ගිණුමට බැර වන බවට චෝදනා එල්ල වේ.
ජෙට්ස්ටාර් ගුවන් සේවය ඉතා අඩු මිලට (බජට් එයාර්ලයින්) ටිකට් පත් අලෙවි කිරීම නිසා ඉදිරියේදී ශ්රී ලංකන් ගුවන් සේවයේ ඕස්ට්රේලියානු මගී පදනම මුළුමනින්ම බිඳ වැටීමේ අවදානමක් පවතින බව ක්ෂේත්රයේ ප්රවීණයෝ පෙන්වා දෙති. මාලිමා රජය යටතේ මහජන බදු මුදල් රුපියල් මිලියන 20,000ක් වැය කරමින් නඩත්තු කරන ශ්රී ලංකන් ගුවන් සේවය මෙලෙස පුද්ගලික අරමුණු වෙනුවෙන් විනාශ කිරීම රටේ ආර්ථිකයට එල්ල කළ මරු පහරක් බව ද වාර්තා වේ.
