මාතර නගර සභා බල ප්රදේශය තුළ ඩෙංගු රෝගය ව්යාප්ත වීම පාලනය කිරීමේ අරමුණින් මාතර මහ නගර සභාව විශේෂ පිරිසිදු කිරීමේ වැඩසටහන් මාලාවක් ආරම්භ කර තිබේ. දේශපාලන අධිකාරිය සහ රාජ්ය නිලධාරීන්ගේ පූර්ණ මැදිහත්වීම මත ක්රියාත්මක වන මෙම වැඩසටහනේ එක් අදියරක් ලෙස ඊයේ (10) මාතර වෛද්ය සාලි මාවත සහ ඒ අවට ඇළ මාර්ග පවිත්ර කිරීමේ කටයුතු සාර්ථකව සිදු කෙරිණි.
මෙහිදී විශේෂයෙන්ම වෛද්ය සාලි මාවතේ ජලය බැස නොයන ලෙස අවහිර වී තිබූ කැලි කසල සහ වැලි ඉවත් කිරීමට කටයුතු කළ අතර, අධික වර්ෂා කාලවලදී බතූතා පාර ප්රදේශය ජලයෙන් යටවීමට ප්රධාන හේතුවක් වූ ඇළ මාර්ගවල අපද්රව්ය ඉවත් කිරීම ද සිදු විය. මෙම පවිත්ර කිරීමේ කටයුතු හරහා මදුරුවන් බෝවන ස්ථාන විනාශ කිරීම සහ නගරයේ ජලාපවහන පද්ධතිය විධිමත් කිරීම අපේක්ෂා කෙරේ.
ඩෙංගු මර්දනය යනු හුදෙක් ආයතනික වගකීමක් පමණක් නොව මහජනතාවගේ ද සෘජු සහයෝගය අවශ්ය වන්නක් බව මෙම අවස්ථාවට එක් වූ මාතර නගරාධිපති, නීතිඥ ජයන්ත පතිරණ මහතා අවධාරණය කළේය. ඉදිරි කාලසීමාව තුළදී ද නගර සභා බල ප්රදේශය පුරා මෙවැනි වැඩසටහන් අඛණ්ඩව ක්රියාත්මක කිරීමට සැලසුම් කර ඇති බව ඔහු වැඩිදුරටත් සඳහන් කළේය. මෙම අවස්ථාවට උප නගරාධිපති නිශාන්ත වික්රමරත්න මහතා ඇතුළු නාගරික මන්ත්රීවරුන් සහ නාගරික කොමසාරිස්වරිය ඇතුළු නිලධාරී පිරිසක් සහභාගී වූහ.
