වසර 15ක කාලයක් මධ්යසාරවලට ඇබ්බැහි වීම හේතුවෙන් මොළයට දැඩි හානි සිදුවී සිහිමද ගතියෙන් පසුවූ 60 හැවිරිදි මහාරාෂ්ට්ර ජාතික පුද්ගලයෙකු හයිද්රාබාද්හිදී ආශ්චර්යමත් ලෙස සුවපත් කළ පුවතක් වාර්තා වේ. හයිද්රාබාද් ඇපලෝ රෝහලේ ස්නායු රෝග විශේෂඥ වෛද්ය සුධීර් කුමාර් මහතා X (ට්විටර්) පණිවිඩයක් මඟින් පෙන්වා දෙන්නේ, මෙම රෝගියා ඇවිදීමේදී පය පැටලීම (stumbling) සහ වස්තූන් දෙක බැගින් පෙනීම (double vision) යන රෝග ලක්ෂණ සමඟ රෝහල්ගත කළ බවයි.
පරීක්ෂණවලදී හෙළි වී ඇත්තේ ඔහු ‘වර්නිකේ එන්සෙෆලෝපති’ (Wernicke’s encephalopathy) නමැති බරපතළ ස්නායු රෝගයෙන් පෙළෙන බවයි. මෙය සිරුරට විටමින් B1 (තයමින්) ඌන වීම නිසා ඇතිවන තත්ත්වයක් වන අතර, දීර්ඝකාලීනව මධ්යසාර භාවිත කිරීම නිසා සිරුරට විටමින් අවශෝෂණය කර ගැනීමට ඇති හැකියාව අඩුවීම මෙයට ප්රධාන හේතුවයි. වෛද්යවරයා පවසන්නේ නිවැරදි රෝග විනිශ්චය සහ ප්රතිකාර හරහා ස්ථිර මොළයේ හානි වළක්වා ගැනීමට මෙම රෝගියාට හැකි වූ බවයි.
