ලිබියාවේ ට්රිපොලි අගනුවරට ආසන්න වෙරළ තීරයට ගොඩගැසූ සරණාගතයන් පස් දෙනෙකුගේ සිරුරු පොලිසිය විසින් සොයාගෙන ඇති අතර ග්රීසියේ ක්රීට් දූපතට ඔබ්බෙන් වූ මුහුදේදී තවත් තිදෙනෙකු මියගොස් තිබේ. ලිබියාවේදී හමුවූ පිරිස අතර කාන්තාවන් දෙදෙනෙකුද සිටින අතර කුඩා දරුවෙකුගේ සිරුරක්ද රළ පහරට හසුව නැවත මුහුදට ගසාගෙන ගිය බව වාර්තා වේ. මේ අතර ග්රීසියට ඔබ්බෙන් පුද්ගලයන් 50ක් පමණ රැගත් බෝට්ටුවක් පෙරළීමෙන් සිදුවූ අනතුරෙන් 20 දෙනෙකු බේරාගෙන ඇති අතර අතුරුදහන් වූවන් වෙනුවෙන් තවමත් සෝදිසි මෙහෙයුම් ක්රියාත්මකයි. දරිද්රතාවය සහ ගැටුම්වලින් බේරීම සඳහා ලිබියාව හරහා යුරෝපයට ඇතුළු වීමට උත්සාහ කරන සංක්රමණිකයන් මෙලෙස දරුණු අනතුරුවලට සහ මානව හිමිකම් උල්ලංඝනය කිරීම්වලට නිරන්තරයෙන් මුහුණ දෙති.
