ලොව දෙවන පෙළ ක්රීඩක ජැනික් සිනර් (Jannik Sinner), ඇලෙක්සැන්ඩර් ස්වේරෙව් (Alexander Zverev) පරාජය කරමින් සිව්වන වරටත් මයාමි විවෘත ටෙනිස් තරගාවලියේ (Miami Open) අවසන් මහා තරගයට සුදුසුකම් ලැබීමට සමත් විය. ඉතාලි ජාතික සිනර් විසින් ස්වේරෙව්ට එරෙහිව පිට පිටම වාර්තා කළ හත්වන ජයග්රහණය මෙය වන අතර, තරගය ලකුණු 6-3ක් සහ 7-6ක් (7-4) ලෙස නිමාවට පත් විය.
මෙම ජයග්රහණයත් සමඟ සිනර් හෙට (ඉරිදා) පැවැත්වෙන අවසන් මහා තරගයේදී චෙක් ජනරජයේ ජිරි ලෙහෙකා (Jiri Lehecka) සමඟ තරග වැදීමට නියමිතය. මෙම මස මුලදී ඉන්දියන් වෙල්ස් (Indian Wells) ශූරතාව දිනාගත් සිනර්, හෙට ජයග්රහණය කළහොත් 2017 වසරේ රොජර් ෆෙඩරර්ට පසුව ‘සන්ෂයින් ඩබල්’ (Sunshine Double) ශූරතාව සම්පූර්ණ කළ පළමු ක්රීඩකයා බවට පත්වනු ඇත. සිව්වතාවක් ග්රෑන්ඩ් ස්ලෑම් (Grand Slam) ශූරතාව දිනා ඇති සිනර්, වත්මන් විම්බල්ඩන් ශූරයා ද වෙයි.
අනෙක් අර්ධ අවසන් පූර්ව තරගයේදී ප්රංශයේ ආතර් ෆිල්ස් (Arthur Fils) පරාජය කරමින් ජිරි ලෙහෙකා සිය ප්රථම මාස්ටර්ස් 1,000 (Masters 1,000) අවසන් මහා තරගයට සුදුසුකම් ලැබීය.
