මයික්රොසොෆ්ට් (Microsoft) සමාගමේ මෘදුකාංග සංවර්ධක මෙවලම් අංශයේ (Developer Division) සභාපතිනිය ලෙස කටයුතු කරන ජූලියා ලියුසන් එළඹෙන ජුනි මාසයේදී විශ්රාම ගැනීමට නියමිත බව වාර්තා වේ. 1992 වසරේදී මයික්රොසොෆ්ට් සමාගමට බැඳුණු ඇය, වත්මන් ප්රධාන විධායක නිලධාරී සත්යා නඩෙල්ලා සමඟ එකම වසරේ සේවයට එක්වූ නිලධාරිනියකි. විශ්රාම ගැනීමෙන් පසු ඇය උපදේශකවරියක ලෙස කටයුතු කරනු ඇත.
ජූලියාගේ මෙම නික්මයාම සිදුවන්නේ මයික්රොසොෆ්ට් සමාගම සිය මෘදුකාංග සංවර්ධන කටයුතු සඳහා කෘතිම බුද්ධිය (AI) දැඩි ලෙස ඒකාබද්ධ කරමින් සිටින තීරණාත්මක වකවානුවකදීය. විශේෂයෙන්ම OpenAI සහ Anthropic වැනි සමාගම් සමඟ එක්ව සංවර්ධකයන් සඳහා වන AI මෙවලම් (GitHub Copilot වැනි) වැඩිදියුණු කිරීමට ඇය ප්රමුඛ කාර්යභාරයක් ඉටු කළාය. මයික්රොසොෆ්ට් සමාගමේ සංවර්ධක අංශයේ උප සභාපති ධුරයට පත්වූ පළමු කාන්තාව ලෙස ද ඇය ඉතිහාසයට එක්ව සිටී.
ඇයගේ විශ්රාම ගැනීමත් සමඟ එම අංශයේ ව්යුහය ද වෙනස් වීමට නියමිත අතර, එය මීට පෙර මෙටා (Meta) සමාගමේ ප්රධානියෙකු ලෙස කටයුතු කළ ජේ පාරික් (Jay Parikh) යටතේ ක්රියාත්මක වන ‘CoreAI Platform and Tools’ කණ්ඩායම සමඟ ඒකාබද්ධ කෙරෙනු ඇත. මයික්රොසොෆ්ට් සමාගම සිය “AI-first” උපායමාර්ගය තවදුරටත් ශක්තිමත් කිරීමට මෙම නායකත්ව වෙනස්කම් සිදු කරන බව පෙනී යයි.
