හිටපු මීගමුව මූලස්ථාන පොලිස් පරීක්ෂක සහ වත්මන් පොලිස් මාධ්ය ප්රකාශක ජ්යෙෂ්ඨ පොලිස් අධිකාරී (SSP) වුට්ලර් උදයකුමාර මහතාට, නීතිඥවරයෙකුගේ මූලික අයිතිවාසිකම් උල්ලංඝනය කිරීම වෙනුවෙන් රුපියල් 60,000 ක මුදලක් සිය පෞද්ගලික ධනයෙන් වන්දි ලෙස ගෙවන ලෙස ශ්රේෂ්ඨාධිකරණය බහුතර තීන්දුවකින් නියෝග කර තිබේ.
2017 වසරේදී මීගමුව පොලිස් ස්ථානයේදී සිදු වූ සිදුවීමකදී පෙත්සම්කාර නීතිඥ ප්රියලාල් සිරිසේන මහතාගේ වෘත්තීය කටයුතුවලට නීති විරෝධී ලෙස බාධා කිරීම සම්බන්ධයෙන් ඔහු වැරදිකරු බව අධිකරණය තීන්දු කළේය.
මීට අමතරව ආණ්ඩුක්රම ව්යවස්ථාවේ 14(1)(උ) වගන්තිය යටතේ සහතික කර ඇති නීත්යානුකූල වෘත්තියක නියැලීමේ නිදහස උල්ලංඝනය කිරීම වෙනුවෙන් මීගමුව පොලිසියේ විවිධ පැමිණිලි අංශයේ හිටපු ස්ථානාධිපති මධුශංක ඩයස් මහතාටද රුපියල් 30,000 ක වන්දි මුදලක් ගෙවීමට නියෝග කෙරුණි. මෙයට අමතරව දෙදෙනාටම රුපියල් 10,000 බැගින් නඩු ගාස්තු ගෙවීමටද නියම විය.
මෙම තීන්දුව ප්රකාශයට පත් කරනු ලැබුවේ විනිසුරු ජනක් ද සිල්වා සහ විනිසුරු කුමුදුනී වික්රමසිංහ යන මහත්ම මහත්මීන් විසිනි. කෙසේ වෙතත් අගවිනිසුරු ප්රීති පද්මන් සූරසේන මහතා මෙම චෝදනා සමඟ එකඟ විය නොහැකි බව පවසමින් සිය විරුද්ධත්වය ප්රකාශ කරමින් පෙත්සම නිෂ්ප්රභ කර තිබේ.
