වාර්ෂිකව පැවැත්වෙන මියුනිච් ආරක්ෂක සමුළුව පසුගිය 13 වැනිදා ජර්මනියේ මියුනිච් නුවරදී ආරම්භ වූ අතර, ඒ සඳහා ලොව පුරා රාජ්ය නායකයන් සහ ආරක්ෂක විශේෂඥයන් රැසක් එක්ව සිටිති. මෙවර සමුළුවේදී ගෝලීය ආරක්ෂාව, නැගී එන සයිබර් තර්ජන සහ විවිධ රටවල පාලන තන්ත්රයන්හි පවතින අස්ථාවරභාවය පිළිබඳව දීර්ඝ වශයෙන් කරුණු සාකච්ඡා කෙරේ.
ඇමෙරිකානු ජනාධිපති ඩොනල්ඩ් ට්රම්ප් මෙම සමුළුවට සහභාගී නොවන අතර, ඇමෙරිකාව නියෝජනය කරමින් රාජ්ය ලේකම් මාර්කෝ රූබියෝ මීට එක්ව සිටියි. රුසියානු-යුක්රේන යුද්ධය සහ ඇමෙරිකාවේ නව තීරුබදු ප්රතිපත්ති හේතුවෙන් ඇමෙරිකාව සහ යුරෝපා රටවල් අතර ඇති වී තිබෙන මතභේදකාරී තත්ත්වය පිළිබඳව මෙහිදී විශේෂ අවධානයක් යොමු විය. යුරෝපා නායකයන් අමතමින් රාජ්ය ලේකම් රූබියෝ අවධාරණය කළේ පවතින අභියෝග හමුවේ ඇමෙරිකාව සහ යුරෝපය අතර ශක්තිමත් සුහදතාවක් පවත්වා ගැනීම අත්යවශ්ය බවයි.
