2021 වසරේදී මියන්මාරයේ ප්රජාතන්ත්රවාදී පාලනය පෙරළා දමා බලය අල්ලාගත් හමුදා ප්රධානී මින් අවුන් හ්ලියැං (Min Aung Hlaing) එරට නව ජනාධිපතිවරයා ලෙස පත්වීමට නියමිතව තිබේ. වසර පහකට පෙර ඔහු ලබාදුන් පොරොන්දුවකට අනුව සිවිල් පාලනයක් ස්ථාපිත කරන බව පැවසුවද, මෙම නව පාර්ලිමේන්තුව සහ රජය සම්පූර්ණයෙන්ම ඔහුගේ හිතවාදීන්ගෙන් සමන්විත වූවකි. ජනාධිපති ධුරය භාරගැනීම සඳහා ඔහු සිය හමුදා නිලයෙන් ඉල්ලා අස්වී ඇති අතර හමුදාවේ නව ප්රධානියා ලෙස ඔහුගේ සමීපතම හිතවතෙකු වන ජෙනරාල් යේ වින් වූ පත් කර ඇත.
පසුගිය වසර පහක කාලය මියන්මාරයට අතිශය විනාශකාරී විය. හමුදා පාලනයට එරෙහිව රට පුරා හටගත් සිවිල් යුද්ධය හේතුවෙන් දහස් ගණනක් මියගොස් මිලියන හතරකට අධික පිරිසක් අවතැන් වී සිටිති. මීට අමතරව මැදපෙරදිග පවතින යුදමය වාතාවරණය හේතුවෙන් මියන්මාරයට දැඩි ඉන්ධන හිඟයකට ද මුහුණ දීමට සිදුව ඇත. එරට ඉන්ධන අවශ්යතාවයෙන් 90%ක්ම ආනයනය කරන බැවින් ඉන්ධන මිල ශීඝ්රයෙන් ඉහළ ගොස් ඇති අතර ජන ජීවිතය සම්පූර්ණයෙන්ම අඩාල වී තිබේ.
නව ජනාධිපතිවරයා සිය දේශනයේදී පවසා සිටියේ හමුදාව මැදිහත් වූයේ රටේ ප්රජාතන්ත්රවාදය ආරක්ෂා කිරීමට බවයි. එහෙත් විපක්ෂ ක්රියාකාරීන් සහ ජාත්යන්තර ප්රජාව පවසන්නේ මෙය හුදෙක් නාමික සිවිල් පාලනයක් පමණක් වන අතර රටේ සැබෑ බලය තවදුරටත් හමුදාව සතු වන බවයි. සිරගත කර සිටින ප්රජාතන්ත්රවාදී නායිකා අවුන් සාන් සූචී නිදහස් කර සාකච්ඡා මාර්ගයෙන් විසඳුමකට එළඹෙන තෙක් මියන්මාරයේ පවතින මෙම අර්බුදය අවසන් නොවන බව දේශපාලන විචාරකයෝ පෙන්වා දෙති.
