ශ්රී ලංකා පොදුජන පෙරමුණේ ජාතික සංවිධායක, පාර්ලිමේන්තු මන්ත්රී නාමල් රාජපක්ෂ මහතා විසින් පෙබරවාරි මස අගදී සිදුකිරීමට නියමිතව තිබූ කේම්බ්රිජ් ශිෂ්ය සංගම් (Cambridge Union) දේශනය අවලංගු කර තිබේ. බ්රිතාන්යයේ වෙසෙන දෙමළ ඩයස්පෝරාව සහ විවිධ සංවිධාන එල්ල කළ දැඩි විරෝධය මෙම තීරණයට හේතු වී ඇති බව වාර්තා වේ.
පෙබරවාරි මස අගදී එක්සත් රාජධානියේ සුප්රකට ඔක්ස්ෆර්ඩ් (Oxford Union) සහ කේම්බ්රිජ් යන ශිෂ්ය සංගම් ද්විත්වයම ඇමතීමට නාමල් රාජපක්ෂ මහතාට ආරාධනා ලැබී තිබුණි. කෙසේ වෙතත්, බ්රිතාන්ය දෙමළ තරුණ සංවිධානය (TYO UK) සහ තවත් දෙමළ ශිෂ්ය සංගම් කිහිපයක් එක්ව මෙම ආරාධනයට එරෙහිව දැඩි විරෝධයක් ප්රකාශ කළහ. මෙම අවස්ථාව වහාම අහෝසි කරන ලෙස බල කරමින් ඔවුන් විසින් විශේෂ නිවේදන ද නිකුත් කර තිබුණි.
එල්ල වූ දැඩි විරෝධතාවල ප්රතිඵලයක් ලෙස කේම්බ්රිජ් ශිෂ්ය සංගමය සිය දේශනය අවලංගු කිරීමට පියවර ගෙන ඇතත්, ඔක්ස්ෆර්ඩ් ශිෂ්ය සංගමයේ දේශනය සම්බන්ධයෙන් මෙතෙක් අවසන් තීරණයක් ප්රකාශයට පත් වී නැත. මෙම සංචාරය සහ දේශන සැලසුම් කිරීම පිළිබඳව දේශපාලන ක්ෂේත්රය තුළ ද දැඩි කතාබහක් නිර්මාණය වී තිබේ.
