84 හැවිරිදි නැන්සි ගුත්රි ඇරිසෝනාහි ටක්සන් (Tucson) නගරයේ පිහිටි ඇයගේ නිවසින් අතුරුදන් වී දැන් මසකට වැඩි කාලයක් ගත වී තිබේ. 2026 පෙබරවාරි 1 වැනිදා රාත්රියේ සිදුවූ මෙම අතුරුදන් වීම සම්බන්ධයෙන් පරීක්ෂණ පවත්වන බලධාරීන් අනතුරු අඟවන්නේ, ඇය පැහැරගත් පුද්ගලයා තවමත් ප්රදේශයේ රැඳී සිටිමින් පවුලේ සාමාජිකයන්ගේ ක්රියාකාරකම් දෙස ඉතා සෝදිසියෙන් බලා සිටින බවට සැක කරන බවයි.
විමර්ශකයන් පෙන්වා දෙන්නේ ඇය ජීවත් වූ නිවස ඉදිරිපිට ඉදි කර ඇති සමරු ස්මාරකය සහ එහි මල් තැබීමට පැමිණෙන ඇයගේ දියණිය ඇතුළු පවුලේ පිරිස් දෙස සැකකරු රහසිගතව “ඇස ගසාගෙන” සිටින බවයි. ජාතික පොලිස් සංගමයේ ප්රකාශිකා බෙට්සි බ්රැන්ට්නර් ස්මිත් පවසන්නේ කැමරා පද්ධතිවලට හසු නොවී සැකකරු මේ දේවල් නිරීක්ෂණය කරනවා විය හැකි බවයි. තම ආදරණීයයා සොයා ගැනීමට පවුලේ පිරිස් සහ අසල්වැසියන් එක්ව කටයුතු කරන අතරතුර, වගකිවයුතු පුද්ගලයා ඔවුන් අසලම සිටීම ප්රදේශවාසීන් තුළ දැඩි භීතියක් ඇති කර තිබේ.
