ඉන්දීය අග්රාමාත්ය නරේන්ද්ර මෝදි මහතා, එරට ඉතිහාසය තුළ දීර්ඝතම කාලයක් ආණ්ඩු ප්රධානියෙකු ලෙස කටයුතු කළ පුද්ගලයා බවට පත්වෙමින් ඊයේ (22) නව වාර්තාවක් පිහිටුවීය. ඒ අනුව සිකිම් ප්රාන්තයේ හිටපු මහ ඇමති පවන් කුමාර් චැම්ලින් වසර ගණනාවක් තිස්සේ දරා සිටි දින 8,930ක වාර්තාව අභිබවා යාමට අග්රාමාත්ය මෝදි සමත් විය. ගුජරාට් ප්රාන්තයේ මහ ඇමතිවරයා ලෙස සහ ඉන්දියාවේ අග්රාමාත්යවරයා ලෙස ඔහු මෙතෙක් ගත කර ඇති මුළු කාලය දින 8,931කි. නිදහසින් පසු උපත ලැබූ පළමු ඉන්දීය අග්රාමාත්යවරයා වන ඔහු, 2014, 2019 සහ 2024 යන වසරවල පැවති මහ මැතිවරණ තුනක් පිට පිටම ජයග්රහණය කරමින් සිය පක්ෂය මෙහෙයවූ නායකයා ද වේ.
මෙම සුවිශේෂී සන්ධිස්ථානය පිළිබඳව අදහස් දක්වමින් අග්රාමාත්යවරයා සඳහන් කළේ 2001 වසරේදී තමන් මුලින්ම ගුජරාට් මහ ඇමති ලෙස දිවුරුම් දුන් අවස්ථාවේ එම ප්රාන්තය භූමිකම්පා සහ දරුණු නියඟයන්ගෙන් පීඩා විඳිමින් තිබූ බවයි. එවැනි දුෂ්කර තත්ත්වයන් මධ්යයේ වුවද තම මව ලබාදුන් අවවාදය පරිදි දුප්පතුන් වෙනුවෙන් කැපවී සේවය කළ බවත්, පසුගිය වසර 11ක කාලය තුළ ඉන්දියාවේ කෝටි 25ක ජනතාවක් දිළිඳුකමින් මුදවා ගැනීමට හැකි වූ බවත් ඔහු පෙන්වා දුන්නේය. වර්තමානය වන විට ඉන්දියාව ලොව ප්රබලතම ආර්ථිකයක් සහිත රටක් බවට පත්ව ඇති අතර, ආණ්ඩුක්රම ව්යවස්ථාවේ අගයන් සුරකිමින් “වික්ෂිත් භාරත්” (Viksit Bharat) හෙවත් සංවර්ධිත ඉන්දියාවක් ගොඩනැගීමට තමා තවදුරටත් කැපවන බව අග්රාමාත්ය මෝදි මෙහිදී වැඩිදුරටත් අවධාරණය කළේය.
