ලක්විජය බලාගාරය සඳහා ආනයනය කරනු ලබන ගල් අඟුරුවල කාර්යක්ෂමතාව සහ ගුණාත්මකභාවය තහවුරු කිරීම සඳහා ඒවා පරීක්ෂා කර ලබාගන්නා ලිඛිත සාක්ෂි විගණනයට ඉදිරිපත් කළ යුතු බව ජාතික විගණන කාර්යාලය අවධාරණය කරයි. ගල් අඟුරු ප්රමිතිය පිළිබඳව පවතින විනිවිදභාවය තහවුරු කිරීම මෙහි ප්රධාන අරමුණයි.
මෙම පරීක්ෂණ කටයුතු ස්වාධීන මට්ටමින් පවත්වාගෙන යාම සඳහා ලංකා විදුලිබල මණ්ඩලය විසින් ‘COTECNA Inspection’ ආයතනය තෝරාගෙන ඇති බව බලශක්ති අමාත්යාංශයේ 2025 ප්රගති වාර්තාවේ සඳහන් වේ. 2025 ජනවාරි සිට 2027 මැයි දක්වා කාලය තුළ මෙරටට ලැබෙන ගල් අඟුරු තොගවල බර මැනීම, නියදි පරීක්ෂාව සහ විද්යාත්මක විශ්ලේෂණයන් සිදුකිරීමේ වගකීම මෙම ආයතනයට පැවරී ඇත.
ගල් අඟුරු සමාගමට අනුව, ආනයනික ගල් අඟුරු නියමිත පිරිවිතරයන්ට අනුකූල නොවන අවස්ථාවලදී මිල ගැලපීම් සිදුකළ හැකි ප්රධාන පරාමිතීන් හතක් ලංසු ලේඛනවල ඇතුළත් කර තිබේ. යම් හෙයකින් සපයනු ලබන ගල් අඟුරුවල ගුණාත්මකභාවය අඩු වුවහොත්, මෙම මිල ගැලපුම් යාන්ත්රණය හරහා රජයට සිදුවන මූල්ය අලාභය අවම කර ගැනීමට හැකි බව එම සමාගම වැඩිදුරටත් පෙන්වා දෙයි. විගණන කාර්යාලය අපේක්ෂා කරන්නේ මෙම ක්රියාවලිය නිසි ලෙස සිදුවන බවට තහවුරු කෙරෙන නිසි ලේඛනගත සාක්ෂි පද්ධතියකි.
