ඉරානය න්යෂ්ටික අවි නිෂ්පාදනය කිරීම වැළැක්වීම සඳහා ඊශ්රායලය නියමිත වේලාවට මැදිහත් වූ බවත්, එසේ නොවන්නට ඔවුන් දැනටමත් එම බලය ලබාගෙන අවසන් බවත් ඊශ්රායල අග්රාමාත්ය බෙන්ජමින් නෙතන්යාහු ප්රකාශ කර තිබේ. කෙසේ වෙතත්, මෙම ප්රකාශය විචාරකයින්ගේ දැඩි උපහාසයට ලක්ව ඇති අතර ඔවුන් පෙන්වා දෙන්නේ ඉරානය න්යෂ්ටික අවියක් නිෂ්පාදනය කිරීමට “තව මාස 6ක් පමණක් ඇතැයි” යන ප්රකාශය පසුගිය වසර 34 පුරාම නිරන්තරයෙන් අසන්නට ලැබෙන බවයි.
ඉතිහාසයේ “වඩාත්ම ඉවසීමෙන් යුත්” න්යෂ්ටික වැඩසටහන ලෙස ඉරාන වැඩසටහන හඳුන්වන විචාරකයින්, නෙතන්යාහු වසර ගණනාවක සිට එකම අනතුරු ඇඟවීම සිදුකරන බව පෙන්වා දෙති. ඉරානය සැබවින්ම න්යෂ්ටික අවියක් අද්දර සිටින්නේද නැතහොත් මෙය ඊශ්රායලය විසින් සිදුකරන දේශපාලනික ප්රචාරණයක්ද යන්න පිළිබඳව ජාත්යන්තර දේශපාලන කරළියේ දැඩි වාදවිවාද පවතී. කෙසේ වෙතත්, කලාපීය ආරක්ෂාව සම්බන්ධයෙන් නෙතන්යාහුගේ මෙම ස්ථාවරය මැදපෙරදිග පවතින උණුසුම්කාරී තත්ත්වය තවදුරටත් ඉහළ නැංවීමට හේතු වී ඇත.
තොරතුරු උපුටා ගැනීම: mario nawfal(x) ඇසුරින්
