වසර දෙකහමාරක දිගු බලාපොරොත්තුවකින් පසු, නෙට්ෆ්ලික්ස් (Netflix) හරහා ‘One Piece’ දෙවන කලාපයේ කථාංග 8ම පසුගිය අඟහරුවාදා නිකුත් විය. නිකුත් වූ සැණින් Rotten Tomatoes දර්ශකයේ 100%ක ඉහළම ප්රතිචාර ලබාගත් මෙම නිර්මාණය, ඇනිමේ (Anime) කතාවක් සැබෑ නළු නිළියන් යොදා ප්රතිනිර්මාණය කිරීමේදී තැබිය හැකි ඉහළම සලකුණ තබා ඇත.
චොපර්ගේ (Chopper) ආගමනය: රසිකයන් වඩාත් බලාපොරොත්තු වූ ‘ටෝනි ටෝනි චොපර්’ නමැති පින්තාරු මුව වෛද්යවරයාගේ චරිතය VFX තාක්ෂණය ඔස්සේ ඉතා සාර්ථකව නිර්මාණය කර ඇත. ඔහු සහ වෛද්ය හිරිලුක් (Dr. Hiriluk) අතර පවතින සංවේදී බැඳීම සහ හිරිලුක්ගේ මරණය රසිකයන්ගේ නෙතට කඳුළක් එක් කළ අවස්ථාවක් විය.
වැපෝල් (Wapol) විසින් හිරිලුක්ගේ කොල්ලකරු කොඩියට ප්රහාර එල්ල කරන විට, ලෆී (Luffy) සිය සිරුර පලිහක් කරගනිමින් එම කොඩිය ආරක්ෂා කරන දර්ශනය මෙම කලාපයේ උද්යෝගිමත් අවස්ථාවකි. ඇලබැස්ටාහි විවී (Vivi) කුමරිය ලෙස ඉන්දීය සම්භවයක් සහිත චරිත්රා චන්ද්රන් (Charithra Chandran) සිදු කරන රංගනය ඉතා උචිත බව විචාරකයින් පවසති. එමෙන්ම නිකෝ රොබින් (Nico Robin) සහ ස්මෝකර් (Smoker) ගේ චරිත ද මන්ගා (Manga) පොත්වලට හා සමානවම නිර්මාණය කර ඇත. දෙවන කලාපය ලොග් ටවුන් (Loguetown) නගරයෙන් ආරම්භ වී ඩ්රම් කින්ග්ඩම් (Drum Kingdom) දක්වා ගලා යයි. විශේෂයෙන්ම උසොප් (Usopp) විසින් ලෆීව බේරා ගන්නා ආකාරය වැනි හාස්යජනක මෙන්ම වැදගත් අවස්ථා ද මෙහි ඇතුළත් වේ.
ඩ්රම් රාජධානිය මත රෝස පැහැති චෙරි මල් හිම පතිත වන දර්ශනයත් සමඟ දෙවන කලාපය නිමාවට පත් වන අතර, එය බලාපොරොත්තුව සහ මානුෂීය වටිනාකම් මැනවින් ප්රකාශ කරයි.
මේ වන විටත් මෙහි තෙවන කලාපයේ (Season 3) වැඩකටයුතු ආරම්භ වී ඇති බව වාර්තා වේ.
