තවත් සති දෙකක් ඇතුළත සංවිධානාත්මක අපරාධකරුවන් සම්බන්ධයෙන් පමණක්ම ක්රියාත්මක වන පරිදි සකස් කරන ලද, ඉතාම ප්රබල නීති රීති සහිත නව පනතක් පාර්ලිමේන්තුවට ඉදිරිපත් කිරීමට නියමිත බව මධ්යම අපරාධ විමර්ශන දිසාව භාර නියෝජ්ය පොලිස්පති චන්දන කොඩිතුවක්කු මහතා පවසයි.
මත්ද්රව්ය ජාවාරම් හා සංවිධානාත්මක අපරාධ මැඬලීම සම්බන්ධයෙන් මාධ්ය වෙත අදහස් දක්වමින් ඒ මහතා කියා සිටියේ, දැනට මෙවැනි අපරාධකරුවන් රඳවා තබාගෙන ප්රශ්න කරනු ලබන්නේ ත්රස්තවාදය වැළැක්වීමේ පනත යටතේ බවයි. එම නිසා පවතින නීතියේ හිඩැස් මඟහරිමින් සංවිධානාත්මක අපරාධකරුවන් ඉලක්ක කරගෙනම මෙම නව පනත සකස් කර තිබේ.
මෙම නව පනත හරහා වැරදිකරුවන් වී දැනටමත් බන්ධනාගාරගතව සිටින ප්රබල ගණයේ අපරාධකරුවන් වුවද, ඔවුන් බන්ධනාගාරයේ සිට මෙහෙයවන අපරාධ සම්බන්ධයෙන් වැඩිදුර විමර්ශන සිදු කිරීම සඳහා නැවත පොලිස් භාරයට ගැනීමේ සුවිශේෂී බලය ලැබෙන බව හෙතෙම පෙන්වා දුන්නේය. එසේම විදේශගතව සිටින අපරාධකරුවන්ගේ මෙරට පවතින දේපොළ සම්පූර්ණයෙන් තහනමට ගැනීමටත්, නීති විරෝධී ලෙස උපයාගත් බිලියන ගණනක දේපොළ රාජසන්තක කිරීමටත් දැනටමත් ක්රියාත්මක වන නීතිමය පියවර ඉදිරියටත් දැඩිව ක්රියාත්මක කරන බව ද නියෝජ්ය පොලිස්පතිවරයා වැඩිදුරටත් අවධාරණය කළේය.
