නිව්යෝර්ක් නගරාධිපතිගේ නිල නිවස වන ග්රේසි මන්දිරය (Gracie Mansion) ඉදිරිපිට පැවැත්වූ විරෝධතාවයක් අතරතුර හටගත් ගැටුම්කාරී තත්ත්වයක් හේතුවෙන් නිව්යෝර්ක් නගරයේ දේශපාලන උණුසුම දැඩි වී තිබේ. මෙම විරෝධතාවය සංවිධානය කරනු ලැබුවේ දකුණත්කාර මතධාරී ක්රියාධරයෙකු වන ජේක් ලැන්ග් (Jake Lang) විසිනි.සිදුවීම පිළිබඳ වැඩිදුර තොරතුරු මෙසේය. ඉකුත් සෙනසුරාදා පැවැති මෙම විරෝධතාවය අතරතුර විරෝධතාකරුවන්ට එරෙහිව “හදාගත් බෝම්බ” (IEDs) දෙකක් දල්වා විසි කර ඇති බව වාර්තා වේ. මෙම ප්රහාරයෙන් තමන් අනූනවයෙන් බේරුණු බව පවසන ජේක් ලැන්ග්, මෙය තමන් ඝාතනය කිරීමට මුස්ලිම් තරුණයින් දෙදෙනෙකු විසින් දියත් කළ “ජිහාඩ්” ප්රහාරයක් බවට සිය X (ට්විටර්) ගිණුම හරහා චෝදනා කර සිටී.කෙසේ වෙතත්, නිව්යෝර්ක් නගරයේ ප්රථම මුස්ලිම් නගරාධිපතිවරයා වන සොහ්රාන් මාම්දානි (Zohran Mamdani) මෙම විරෝධතාවය දැඩි ලෙස හෙළා දුටුවේය. ඔහු කියා සිටියේ මෙය “ජාතිවාදය සහ වර්ගවාදය මත පදනම් වූ” වෛරී ප්රකාශයක් බවයි. නගරාධිපතිවරයාගේ මෙම ප්රකාශයට ප්රතිචාර දක්වමින් ලැන්ග් පවසා ඇත්තේ “මාම්දානි පිටුවහල් කර නිව්යෝර්ක් නගරය බේරාගත යුතු” බවත්, නගරාධිපතිවරයා ත්රස්තවාදීන් ආරක්ෂා කරන බවත්ය.මෙම සිදුවීම සම්බන්ධයෙන් වයස අවුරුදු 18 සහ 19 පසුවන තරුණයින් දෙදෙනෙකු පොලිස් අත්අඩංගුවට පත්ව ඇති අතර FBI ආයතනය ද මේ පිළිබඳව ත්රස්ත විමර්ශනයක් ආරම්භ කර තිබේ.
