ඇමරිකාවේ මිනසෝටා (Minnesota) ප්රාන්තයේ වයිට් බෙයාර් ලේක් (White Bear Lake) ප්රදේශයේ පිහිටි සිය නිවසේ හටගත් දරුණු ගින්නකින් සුප්රසිද්ධ NHL ක්රීඩා මාධ්යවේදිනී ජෙසී පියර්ස් (Jessi Pierce) සහ ඇගේ කුඩා දරුවන් තිදෙනා වන හඩ්සන්, කේඩන් සහ ඒවරි පසුගිය සෙනසුරාදා (21) අවාසනාවන්ත ලෙස ජීවිතක්ෂයට පත්වූහ. මෙම ඛේදවාචකයෙන් දිවි ගලවාගත් ඇගේ ස්වාමිපුරුෂයා වන මයික් හින්රික්ස් (Mike Hinrichs) වෙත සහය වීම සඳහා GoFundMe අරමුදලක් ආරම්භ කර ඇති අතර එම සියලු ආධාර මුදල් ඔහු වෙත හිමිවීමට නියමිතය.
මෙම අරමුදල ආරම්භ කර ඉතා කෙටි කාලයක් තුළ ඩොලර් දහස් ගණනක මුදලක් රැස්වී ඇති අතර NHL ක්රීඩකයින් සහ රසිකයින් විශාල වශයෙන් මෙයට දායක වෙමින් සිටිති. ජෙසී පියර්ස් මිනසෝටා වයිල්ඩ් (Minnesota Wild) කණ්ඩායම පිළිබඳ වාර්තාකරණයේ යෙදුණු දක්ෂ මාධ්යවේදිනියක් වූ අතර ජාතික හොකී ලීගය (NHL) ඇතුළු ක්රීඩා ලෝකයම ඇගේ අභාවය වෙනුවෙන් ශෝකය පළ කර ඇත. ගින්න හටගැනීමට හේතුව පිළිබඳව මිනසෝටා පොලිසිය මේ වන විට විශේෂ විමර්ශනයක් පවත්වයි.
