ශ්රී ලංකාවේ ප්රමුඛ පෙළේ මූල්ය ආයතනයක් වන පී.එම්.එෆ් ෆිනෑන්ස් පී.එල්.සී (PMF Finance PLC), සිය උපායමාර්ගික අධීක්ෂණය සහ ආයතනික පාලන රාමුව ශක්තිමත් කිරීමේ අරමුණින් නිෂානි පෙරේරා මහත්මිය ස්වාධීන විධායක නොවන අධ්යක්ෂවරියක ලෙස පත් කළ බව නිවේදනය කර තිබේ. සමාගමේ දිගුකාලීන වර්ධන සැලසුම් සහ පරිවර්තනීය ගමන ශක්තිමත් කිරීමට ඇයගේ වෘත්තීය අත්දැකීම් ඉවහල් වනු ඇතැයි කළමනාකාරීත්වය විශ්වාසය පළ කරයි. පෙරේරා මහත්මිය ශ්රී ලංකා වරලත් ගණකාධිකාරී ආයතනයේ (CA Sri Lanka) සාමාජිකාවක වන අතර විගණන, අවදානම් කළමනාකරණය සහ ආයතනික පාලනය පිළිබඳ වසර 19 කට අධික අත්දැකීම් සහිත විද්වතිියකි.
නිෂානි පෙරේරා මහත්මිය දැනට Moore Aiyar ආයතනයේ විගණන සහ සහතික කිරීමේ අංශයේ හවුල්කාරිනියක ලෙසත්, Moore Consulting පුද්ගලික සමාගමේ අධ්යක්ෂවරියක ලෙසත් කටයුතු කරයි. සිය වෘත්තීය ජීවිතය තුළ ලැයිස්තුගත සමාගම්, බැංකු සහ මූල්ය ආයතන රැසක් සමඟ සමීපව කටයුතු කර ඇති ඇය, මූල්ය වාර්තාකරණය (SLFRS/LKAS), නියාමන අනුකූලතාවය සහ අභ්යන්තර පාලන රාමු සකස් කිරීම සම්බන්ධයෙන් සුවිශේෂී විශේෂඥතාවක් දරයි. මීට අමතරව ඇය එක්සත් රාජධානියේ කාඩිෆ් මෙට්රොපොලිටන් විශ්වවිද්යාලයෙන් නීතිවේදී පශ්චාත් උපාධියක් (LL.M.) සහ ශ්රී ජයවර්ධනපුර විශ්වවිද්යාලයෙන් ව්යාපාර පරිපාලන විශේෂ උපාධියක් ද ලබා ඇත.
මෙම පත්වීමත් සමඟ පී.එම්.එෆ් ෆිනෑන්ස් පී.එල්.සී හි අධ්යක්ෂ මණ්ඩලය මලික් කාදර් (සභාපති), බණ්ඩාර රේකෝගම, නේමන්ත අබේසිංහ, සංජික පෙරේරා, මහාචාර්ය දේවසිරි එන්. ජයන්ත, නලින් වර්ණකුල, දිනේෂ් ද සිල්වා සහ නිෂානි පෙරේරා යන මහත්ම මහත්මීන්ගෙන් සමන්විත වේ. ශ්රී ලංකාවේ මූල්ය සේවා ක්ෂේත්රය තුළ තිරසාර වර්ධනයක් කරා සමාගම මෙහෙයවීමට මෙම නව නායකත්ව කණ්ඩායම කැපවී සිටියි. නිෂානි පෙරේරා මහත්මිය මීට පෙර ශ්රී ලංකා වරලත් ගණකාධිකාරී ආයතනයේ විවිධ තාක්ෂණික කමිටු නියෝජනය කරමින් මූල්ය වාර්තාකරණ ක්ෂේත්රයේ ප්රගතිය උදෙසා ද සුවිශේෂී දායකත්වයක් ලබා දී ඇත.
