බලශක්ති අමාත්ය කුමාර ජයකොඩි මහතාට එරෙහිව විපක්ෂය විසින් ගෙන එනු ලබන විශ්වාසභංග යෝජනාව අද (19) පෙරවරුවේ කථානායක වෛද්ය ජගත් වික්රමරත්න මහතා වෙත භාරදීමට නියමිතය. ප්රමිතියෙන් තොර ගල්අඟුරු ගෙන්වීම සහ අමාත්යවරයාට එල්ල වී ඇති දූෂණ චෝදනා මෙයට මූලික හේතු වී ඇති බව පාර්ලිමේන්තු මන්ත්රී අජිත් පී. පෙරේරා මහතා සඳහන් කළේය. මේ අතර, මැදපෙරදිග පවතින යුදමය වාතාවරණය ඇතුළු වර්තමාන ලෝක තත්ත්වය පිළිබඳ සභාව කල් තැබීමේ විවාදය අද පස්වරු 2.00 සිට 5.30 දක්වා පැවැත්වෙන අතර, හෙට (20) පැවැත්වෙන විවාදය සඳහා ජනාධිපති අනුර කුමාර දිසානායක මහතා ද සහභාගී වීමට නියමිතය.
