අමෙරිකාව සහ දකුණු කොරියාව එක්ව පවත්වන වාර්ෂික ඒකාබද්ධ යුද අභ්යාසයට ප්රතිචාර දැක්වීමක් ලෙස උතුරු කොරියාව සිය බටහිර වෙරළ තීරයේ සිට බැලස්ටික් මිසයිල 10කට ආසන්න සංඛ්යාවක් අද (14) පස්වරුවේ දියත් කර තිබේ. ජපාන සහ දකුණු කොරියානු ආරක්ෂක අංශ තහවුරු කරන පරිදි, මෙම මිසයිල කිලෝමීටර් 80ක උපරිම උසකට ගමන් කර ඇති අතර, කොරියානු අර්ධද්වීපයට නැගෙනහිරින් පිහිටි මුහුදු කලාපයට පතිත වී ඇත.
ලෝක අවධානය මැදපෙරදිග කලාපයේ ඉරාන-අමෙරිකා ගැටුම් වෙත යොමුව පවතින මොහොතක, උතුරු කොරියාව මෙම ප්රහාරය දියත් කිරීම විශේෂත්වයකි. ලබන 19 වැනිදා දක්වා පැවැත්වෙන ‘Freedom Shield’ යුද අභ්යාසය හරහා කලාපීය ස්ථාවරත්වය බිඳ වැටෙන බවට උතුරු කොරියානු නායක කිම් ජොන් අන්ගේ සහෝදරිය වන කිම් යෝ ජොන් මීට පෙර අනතුරු ඇඟවීය. මෙම උණුසුම් තත්ත්වය මධ්යයේ වුවද, අමෙරිකානු ජනාධිපති ඩොනල්ඩ් ට්රම්ප් සහ කිම් ජොන් අන් අතර නව සාකච්ඡා වටයක් ආරම්භ වීමේ ඉඩකඩක් පවතින බවට ද දේශපාලන ආරංචි මාර්ග වාර්තා කරයි.
