උතුරු ලන්ඩනයේ යුදෙව් පුණ්යායතනයකට අයත් ගිලන්රථවලට ගිනි තැබීමේ සිද්ධිය සම්බන්ධයෙන් සිව්වන සැකකරු අත්අඩංගුවට ගත් බව බ්රිතාන්ය රජයේ නීතිපති කාර්යාලය පවසයි අද (04) පෙරවරුවේ වෙස්ට්මිනිස්ටර් මහේස්ත්රාත් අධිකරණ පරිශ්රයේදී මෙම 19 හැවිරිදි තරුණයා අත්අඩංගුවට ගෙන ඇති අතර මෙම ප්රහාරයට සැකකරුවන් සිව් දෙනෙකු සම්බන්ධ වී ඇති බව පොලිසිය විශ්වාස කරයි පසුගිය මාර්තු 23 වනදා ගෝල්ඩර්ස් ග්රීන් (Golders Green) ප්රදේශයේ සිනගෝගයක නවතා තිබූ ගිලන්රථ මෙලෙස ගිනිබත් කර තිබුණි
මෙම සිද්ධිය සම්බන්ධයෙන් දැනටමත් අත්අඩංගුවට ගෙන සිටින හම්සා ඉක්බාල් (20) සහ රෙහාන් ඛාන් (19) ඇතුළු තිදෙනෙකු අද දින අධිකරණයට ඉදිරිපත් කිරීමෙන් පසු රක්ෂිත බන්ධනාගාර ගත කෙරුණි මෙම ප්රහාරයෙන් පවුම් මිලියනයකට ආසන්න දේපල හානියක් සිදුව ඇති අතර මෙය යුදෙව් ප්රජාව ඉලක්ක කර ගනිමින් සැලසුම් සහගතව එල්ල කළ ප්රහාරයක් බවට කරුණු අනාවරණය වී තිබේ මෙම ප්රහාරය පිටුපස ඉරාන අනුබද්ධ කණ්ඩායමක සම්බන්ධතාවයක් පවතින්නේ ද යන්න පිළිබඳව ද මේ වන විට විශේෂ පරීක්ෂණයක් ආරම්භ කර ඇත
ත්රස්ත මර්ධන ඒකකය මඟින් මෙම පරීක්ෂණ මෙහෙයවනු ලබන අතර ප්රහාරයත් සමඟ යුදෙව් ජනතාව වෙසෙන ප්රදේශවල ආරක්ෂාව දැඩි කිරීමට ලන්ඩන් මෙට්රොපොලිටන් පොලිසිය පියවර ගෙන තිබේ විශේෂයෙන්ම පාස්කුව උත්සව සමය (Passover) බැවින් ජනතාවගේ ආරක්ෂාව තහවුරු කිරීම සඳහා අතිරේක පොලිස් කණ්ඩායම් යොදවා ඇත චෝදනා ලැබූ සැකකරුවන් ලබන අප්රේල් 24 වනදා යළි අධිකරණය හමුවට ඉදිරිපත් කිරීමට නියමිතව ඇති අතර මෙම අපරාධය සම්බන්ධයෙන් තවදුරටත් තොරතුරු සොයා මෙහෙයුම් ක්රියාත්මක වෙයි
