නෝර්වේ රාජ්යයේ නියෝජ්ය විදේශ අමාත්ය ඇන්ඩ්රියාස් ක්රාවික් (Andreas Kravik) මහතා සහ ඉලංගෙයි තමිල් අරසු කච්චි (ITAK) පක්ෂයේ ප්රධානීන් අතර විශේෂ හමුවක් අද (මාර්තු 03) කොළඹදී පවත්වා තිබේ. ශ්රී ලංකාවේ වත්මන් දේශපාලන තත්ත්වය සහ දෙමළ ජනතාවගේ ගැටලු සඳහා ස්ථිර දේශපාලන විසඳුමක් ලබා ගැනීම මෙහි ප්රධාන අරමුණ වී ඇත.
මෙම සාකච්ඡාව සඳහා ITAK පක්ෂයේ ප්රධාන ලේකම් එම්.ඒ. සුමන්තිරන් මහතා සහ මඩකලපුව දිස්ත්රික් පාර්ලිමේන්තු මන්ත්රී ශානක්යයන් රාසමානික්කම් මහතා සහභාගී වූහ. ශ්රී ලංකාවට අවශ්ය අර්ථවත් දේශපාලන විසඳුම් සහ වත්මන් දේශපාලන වර්ධනයන් පිළිබඳව මෙහිදී දීර්ඝ වශයෙන් අදහස් හුවමාරු කරගත් බව ශානක්යයන් මන්ත්රීවරයා සිය ‘X’ ගිණුම හරහා තහවුරු කළේය.
නෝර්වේ රාජ්යය සැමවිටම ශ්රී ලංකාවේ සාම ක්රියාවලිය සහ ප්රජාතන්ත්රවාදය වෙනුවෙන් පෙනී සිටි රටක් බවත්, වත්මන් නෝර්වේ තානාපති මේ-එලින් ස්ටේනර් (May-Elin Stener) මහත්මිය දෙරට අතර සබඳතා ශක්තිමත් කිරීමට දක්වන දායකත්වය අගය කරන බවත් මන්ත්රීවරයා මෙහිදී සඳහන් කර තිබේ.
උතුරු නැගෙනහිර ජනතාව මුහුණ දෙන ඉඩම් ගැටලු, බලය බෙදා හැරීම සහ ඉදිරි පළාත් සභා මැතිවරණය පිළිබඳව ද මෙම හමුවේදී අවධානය යොමු වී ඇති බව වාර්තා වේ.
