2026 ජාත්යන්තර කාන්තා දිනය නිමිත්තෙන් ජාතික ජන බලවේගය (NPP) සංවිධානය කරන ප්රධාන සැමරුම් උත්සවය අද (08) කොළඹ පී.ඩී. සිරිසේන ක්රීඩාංගණයේදී උත්කර්ෂවත් අන්දමින් පැවැත්වේ. මෙරට කාන්තාවන් සවිබල ගැන්වීම සහ ඔවුන්ගේ දේශපාලන හා සමාජීය අයිතිවාසිකම් දිනා දීමේ අරමුණින් මෙම මහා සමුළුව සංවිධානය කර ඇත.
මෙම අවස්ථාවට සහභාගී වන ප්රධාන ආරාධිත අමුත්තන් සහ දේශකයන් මෙසේය. ජනාධිපති අනුර කුමාර දිසානායක මහතාගේ සහ අග්රාමාත්ය ආචාර්ය හරිනි අමරසූරිය මහත්මියගේ ප්රධානත්වයෙන් මෙම උත්සවය පැවැත්වෙන අතර, NPP කාන්තාවෝ සංවිධානයේ ජාතික විධායක සභික, ළමා හා කාන්තා කටයුතු පිළිබඳ අමාත්ය සරෝජා සාවිත්රී පෝල්රාජ් මහත්මිය ද මෙහිදී අදහස් දැක්වීමට නියමිතය.
මීට අමතරව පාර්ලිමේන්තු මන්ත්රීනී සමන්මලී ගුණසිංහ, හාලිඇල ප්රාදේශීය සභා මන්ත්රීනී ශෙකා සම්සුදීන් සහ ‘අලුත් පියාපත්’ සංවිධානයේ මෙහෙයුම් කමිටු සාමාජිකා මොනාශා ඕෂධී යන මහත්මීන් ද මෙම සුවිශේෂී අවස්ථාවට එක්ව සිටිති. “කාන්තාවගේ ශක්තියෙන් නව ශ්රී ලංකාවක්” යන සංකල්පය පෙරදැරිව පැවැත්වෙන මෙම සමුළුව සඳහා දිවයිනේ විවිධ ප්රදේශ නියෝජනය කරමින් විශාල කාන්තා සහභාගීත්වයක් දක්නට ලැබෙන බව වාර්තා වේ.
